上學‧港鐵@進步

尋日傍晚6點幾肥仔問我〝知唔知阿B頭個轉附近損左？〞，吓~我唔知喎！今朝返到娘家見到真係咁大條痕既！好在係表面傷痕啫！阿婆話佢係係屋企整到既。

今朝阿B又係差唔多要返學時又要攬住我，我一直抱到佢到學校交比校長，係儀交時阿B只是嗌左幾聲就停。

我接放學時，校長話阿B未除鞋已經去拎玩具玩，叫佢除鞋，除鞋後都未換另一對就又走去拎玩具玩，而且阿B食生果又食得唔錯，所以下星期可以吃飯，而放學時間就改為約12點。

我約左熊貓姐姐食lunch，所以接左阿B放學就起程，阿B邊睇Pingu邊等熊貓姐姐。

睇下佢食得幾污漕。食完我又帶左阿B回我家，今次我專登搭港鐵回去，因為我想訓練阿B唔怕搭港鐵，結果比我想像中好，佢冇咁怕喇！今早我約左娣婦夜晚來吃飯和接阿B。

尋日阿B已經有少少鼻水，今日又多D，夜晚食飯時娣婦就呢個問題問阿B。

娣婦：阿B明天返唔返學？
阿B：嗯。
我：阿B明天唔返學好唔好丫？

阿B冇回應，但佢起勢擰頭，娣婦話之前問佢係擰頭架！嗯~真係大個仔喇！