Noddy

之前娣婦見阿B咁鍾意〝Noddy〞都話上網訂比佢，
但我話開左佢唔係成日坐定定睇，成日都會走開，肥仔又話佢唔識講野，
唔好比佢睇呢D野！因為〝Noddy〞講英文架！

上星期娣婦與同事share一套〝Noddy〞，咁都好唔駛咁貴。
今朝娣婦拎左隻〝Noddy〞手偶出嚟話阿B好鍾意，
果日係佢同事家成日都攬住佢。仲有幾隻，夾埋就可以做一套Drama架喇！
不過，阿B只鍾意〝Noddy〞，所以拎左一隻回來。

娣婦話房仲有CD、VCD、書，我入到去真係有好多野喎！個櫃仔裝晒所有野，
都唔錯丫！買野就係貴在個Packing勒！其實，我覺得唔須要買，
因為唔係必須品，但我諗娣婦想比最好既野阿B，不過，冇所謂喇！
正如有時我買既野，別人都可能覺我唔須要，每個人睇法都唔同。

雖然，隻腳未好返，但阿B一切如常，並無什麼特別。
晏晝阿B訓覺時都係睇住〝Noddy〞訓，
不過，我係開上次BB展拎既Sample比佢睇咋！