尋日唔舒服，想早D訓，又唔記得lock左門，好在追電視劇老公返嚟都未訓咋！唔係老公就冇門口入喇！我經過尋日差不多全天氣訓之後，今日已經好左好多，不過，坐係電腦前一陣又開始痛。
熊貓姐姐尋日幫我買左件襯衫，我想快D可以著新衫，所以今日約佢明天去佢公司附近拎，我講既時候都覺得佢反應有D怪，原來佢明天短週。
唉！咁不如明天去你家？但佢明晚9點幾要睇戲，我都可以去你屋企一陣，然後到咁上下去接老公放工既！因為老公明天又要返工。咁點好呢？熊貓姐姐話等我食完個減肥餐就去〝鬆一Zone〞。
我：我要過多2個星期先食完喎！
熊貓姐姐：咩丫？
我：我要食12日架嘛！
熊貓姐姐：唔係丫！我係話明天等你食完lunch果餐減肥餐就去〝鬆一Zone〞丫！
我：哦~！咁我我地2個去丫？
熊貓姐姐：2個都得喇！之前蓋左印仔，有限期順便用埋，不過，就十月先到期。
我：我問下老公先。
我問左老公，老公叫我係熊貓姐姐屋企。熊貓姐姐問咁去我屋企有咩做？我地可以整蛋糕架嘛！
晏晝回家時，我去左街市買晚餐和〝雜菜~消脂湯〞材料，因為唔想係娘家又拎2大盒湯回來，真係又重又麻煩。我返到去洗材料時，嘩！嚇死我咩！係棵西芹到有條蟲，我最驚就係呢D野！跟住夜晚飲湯時，見到煲湯內有隻蚊滋仔添！
頭先買左菜心，我留起一半比老公，我話佢知時，佢又話我知今晚煮麵食。老公吃飯最想要有菜，佢唔多喜歡吃太多肉，可能咁佢就瘦過我好多。
我上2個月咪又係買左棵西芹有蟲..
回覆刪除仲唔止1 條...係4,5條...嚇到我彈起呀~
[版主回覆07/19/2008 09:56:00]嘩！一定嚇到我掉都掉唔切丫！我果條送左比大口仔。
乜西芹咁多蟲o架, 好驚呀!!!! 不過都証明無乜農藥!!!
回覆刪除[版主回覆07/19/2008 09:58:00]我都係咁諗，即係〝新鮮〞。我N年前試過又係煲呢隻湯，切個椰菜時，一切開有條起碼4吋長既蟲，我叫屋企人幫我攪掂佢，當時嚇到我半死。
四寸長.....嘩.....三寸都嚇死我, 何況四寸....好驚呀!!
回覆刪除[版主回覆07/20/2008 09:43:00]我斬落去切開左見到，仲見佢蠕動緊，真係好噁心！~>.<~
哦~~你洗唔乾淨！！！
回覆刪除記得下次洗乾淨D呀！！！唔係病左就死啦
[版主回覆07/21/2008 22:07:00]我已經將它棄掉了喇！