影靚靚@扭蛋

今朝老公又係出門口前噴剎蟲水，晏晝回來時都冇咩發現。

今日晏晝我終於完成左一樣野！呢樣野我幾年前已經想做，但一直的唔起心做。前排都做左D又未做D咁！就係幫我心愛既〝扭蛋〞影相。

每款扭蛋都有名或主題架嘛！扭蛋紙上印既又係日文，佢識我、我唔識佢，上網搵又好難搵到D名，真係抓爆頭。搵搵下又好似有D又唔記得影，唯有下次再影過喇！因為我D扭蛋係pack晒箱。相未有咁快整好，但都想盡快，舖埋相就可以話係真正完成。

明天我與肥仔帶阿B去健康院做評估，傍晚肥仔來電約我明天去完健康院之後就去肥阿哥家聚。

近排老公晚晚都夜放工，尋晚仲成11點幾先返到，今晚老公又要公司食飯，話係四字人請喎！但就食D好cheap既野！我話是但喇！唔請又話人地唔請，請又話人地cheap，有得食好過冇得食。不過，我知老公寧願唔食，因為可以早D歸家休息嘛！

我頭先突然掛住老公，雖然係掛，但我都係冇打，因為佢忙碌中。我等到佢放工去食飯時打來就同佢講左喇！嘻~嘻~，佢話D四字人都未走，哎~都唔知佢幾時返？