今早我半夢半醒間想起又唔想起身，爭紮左好耐望一望7點3見時間尚早就訓多陣，跟住又再次半夢半醒再望個鐘7點8，咁就起身。
我經常等到肚餓先食野，不過，今日約左高達叔叔一齊行街，仲要去幾個地方，所以起身不久就煮早餐吃，老公當然仲訓緊喇！
今日食早餐想睇電視，嘩！電視做緊〝魔法小神童加旋〞，係我好鍾意睇架！之前無線係星期六半夜播過，跟住又係星期日早上播過，但2次都係無疾而終，今次又唔知會唔會呢？
今日我地去左好多地方，每人亦都有收穫，我地主要都係睇玩具和模型。嘩！條街好熱又多人，我都醒目拎地毛巾仔抺汗，又拎左個大水壺出街，但都唔夠飲，仲要買多支水。
我地約係〝太子~聯合廣場〞會合後，就去食野！我當然係齋坐喇！跟住就向第一站出發就係巴士展，每年〝80M〞都會攪架！又會有特價貨品賣。
我地行過D飾櫃時，高達叔叔就話‧‧‧
高達叔叔：呢架車實被人炸。
我：哦！奧運巴士前排先比人炸左架！(行返轉頭望)
高達叔叔：知唔知點解丫？
我：有唔知咩人唔準攪奧運丫嘛！
高達叔叔：唔係！係因為架車叫〝911〞，實被人炸喇！
我唔係好明就再行去望一望，哦！個車編號係〝911〞，之後我都發現另一架又號碼都係〝911〞。
每年都有人自製模型參加比賽，今年參賽作品都OK。
老公在雲雲作品中最欣賞係這架巴士，佢覺得做得唔錯。
而我就最鍾意呢個〝集體回憶~1970年代徙置屋村 (比例~1：76)〞，它令我諗返起以前放暑假有時去〝姨婆〞到住既時光，而且這副模型真係做得好真好似。
之後我地就去左〝80M〞舖頭睇下有冇平巴士，係舖頭廚窗內有〝2008年北京奧運巴士〞，但要$478/架~有10架，不過，老公對佢冇興趣。
店內不是太大又有好多人，幾經辛苦先逼到入去，老公睇左好耐決定買佢心頭好〝丹拿A傳統式車嘴三黃線〞，老公好鍾意〝三晝黃巴士〞架！之前Bid唔到，而家補返數。
佢仲有〝33A〞和〝60〞2選一既決擇，佢決定唔到就搵我與高達叔叔做決定，我話〝是但，你鍾意就可以〞，高達叔叔就決定〝33A〞。叫左人拎嚟睇，但睇極都有問題，之後就改要〝60〞，但又係有問題，最後都係買左一架〝丹拿A傳統式車嘴三黃線〞。
我地由太子坐巴士去〝康怡~吉之島〞，因為高達叔叔見到果間〝吉之島〞買〝三國誌高達模型〞送一隻兵仔。巴士行經〝炮台山〞見到有〝葉劉淑儀〞助選團。
落巴士後灑左幾粒雨仔，我地急急行入去〝康怡~吉之島〞，入面人山人海，上左2層就到目的地。
這層扶手電梯四個角位都擺放左4隻模型，我地只見到〝三國誌高達模型〞，唔見兵仔，一問之下兵仔已經送晒，高達叔叔有點失望。
我地又睇下其他玩具，見到入面仲有個類似〝冒險樂園〞既遊樂場，裡面擺放左好大隻高達模型扭蛋機。
高達叔叔又想去〝冒險樂園〞睇下有咩換，就行去對面商埸搵下，但又唔多覺有。佢地入左模型店睇，而我就打電話去問下，職員話係〝太古城〞，高達叔叔話可以唔去，咁就坐〝叮叮〞下站。
我行左幾步發現模式店對面有〝商務書局〞就想入去睇下〝梁許安璞~Annie〞烹飪書，我睇左好耐，亦都有見有Blogger既書，不過，最後都係買左〝安璞‧滋味‧知緣〞好貴有D肉痛。
我地坐〝叮叮〞離開〝康怡〞去〝銅鑼灣〞，我地落車時另一邊馬路發生輕微交通意外，〝小巴〞被〝寶馬〞撞車尾，攪到果條小單程路即時塞車。
之後就上去〝Toyzone 16 plus〞睇玩具，這間係老公上網睇到既，上到去果到大部份都係寄賣箱居多，唔多見老公係網上睇到既巴士，行左一陣就走人。
大家都覺有D餓就去左掃街，老公又怕吃左街邊野肚痛，而對面〝愛爾蘭瘋薯〞都吸引大家去睇下，我就一定唔吃得，佢地睇完又冇乜興趣，就過返對面，高達叔叔都係決定食〝愛爾蘭瘋薯〞既熱狗，唔係淌肥我都試左。
我食煎釀三寶，但十蚊七件咁多，所以老公都食左3件。高達叔叔切左1/3比老公試，而老公就比左少少腸我吃，弊！沾左少少蜜糖芥辣添！佢地都覺得一般，高達叔叔話比起〝宜傢〞個包就好D囉！
之後老公與高達叔叔都吃左兜〝蘿蔔、豬紅、豬皮〞加辣椒菜餔，佢地話D蘿蔔好甜好味，菜餔又好味，總之就好喇！我就吃多串走汁辣椒牛丸。
我地行去買野飲時，老公又見到另一檔D魚蛋好似好正，所以佢地又每人一串，我又忍唔住又吃多條腸，個阿姐唔出聲送多粒魚蛋比我添啵！幾得意。
我地飲飽食醉後就又坐〝叮叮〞去〝中環〞轉巴士回去，高達叔叔冇收穫一陣再係家附近商場攪模型，希望佢有收穫喇！
我係車上掛住睇書，老公又訓左，突然聽到後面個人話落車，我望一望先知我又係呢到落，即刻叫高達叔叔和訓緊老公落車。搵到高達叔叔想買既野，但冇貨，不過，又比出面貴。
高達叔叔上網睇到我娘家附近好似有得買，所以叫我見到就幫佢盡買。之後佢買左隻〝三國誌趙雲〞模型，回到我地家佢先發覺呢隻係日本版。
我地係〝大家樂〞吃晚飯据扒，老公行回來話吃個餐加杯飲品都4、5十蚊，所以冇食就走人，後來去左餐廳食。高達叔叔食有少少膻〝羊架〞，我食最大份既〝蒜容西冷扒〞，而老公就吃〝毑〞得勁~〝黑椒肉眼扒〞。
我地坐卡位叫左野食都未嚟！仲有其他客人，服務員已經開始清潔，食物陸續來，仲係我地前後卡位到執野、用報紙抺玻璃牆，真係有冇攪錯架！我趁上菜時問〝你地幾點收舖？〞，我地十點半Last order，收11點。
我問既時候係9點半，但佢地9點4、5個字已開始清潔，老公話可能經理唔係到，但距離打洋都有排，洗唔洗咁誇。之後高達叔叔上左我地家一陣整新買既模型，11點幾就離去。
沒有留言:
發佈留言