盡量食

自從上次減完之後，每日我都會上磅，成日都想再試個減肥餐，但成日都有街去，個期一改再改到8月初才有機會再試。

今日上磅居然比我減既時候仲要重D，唔得唔可以繼續肥落去，我望下個月曆，再計一計數，若明天開始減，我可以係結婚週年紀念前吃完12日，好！一於明天又再開始過吃〝12日醫院減肥餐單〞。

老公起身後我向佢匯報，今次佢唔贊成我吃〝12日醫院減肥餐單〞，佢認為我吃得均衡D就可以架喇！老公反對原因，我諗係我吃呢個減肥餐一D都唔平，每日都要幾十至百蚊，因為唔可以吃飯，以我既咁大食就要吃好多份量，咁咪貴囉！

每每遇到我想做的事，我都會堅持到底，不過，有時都要視乎情況或對手而定。今次又是我的堅持，老公終於肯應承比我試多次個減肥餐。我要好好把握機會，今次一定要有好成績，老公先會再支持我。

我知道明天要減肥時，見到有咩明天唔食得都食D先，因為未來12日唔食得架喇！咁我又唔係好放肆咁食，只不過係食少少啫！

今次真係可以減到既話，我諗我要諗一諗晚飯等唔等老公吃好？因為我真係留意到，每逢夜食飯第二日上磅實重左，不過，老公和熊貓姐姐都話唔關事。

肥仔7點幾來電，佢問我〝星期日記唔記得？〞，我望個月曆，哎呀~我明天開始減肥喎！哎乜？星期日~7月20日係阿B兩歲生日丫！肥仔約定我當日去肥阿哥家攪Party，佢仲話咁買蛋糕唔駛預你喇！到時你自己煮野食喇！

唉~咁樣我個心開始有D動搖勒！美食當前又唔吃得好慘架嘛！咁減唔減好呢？唔減又要等埋過左結婚週年紀念先可以減，好矛盾丫！

今晚老公放工後去交收之前係Yahoo Bid既巴士〝丹尼士巨龍11米@空調巴士〞、〝丹尼士巨龍11米@非空調巴士〞、〝丹拿珍寶〞。尋晚晚餐有食剩，所以就繼續吃，但個麵包和湯都係新鮮整架！

P.S.今日與熊貓姐姐傾左一陣電話，記起前日有2件〝綠茶奶茶慕絲蛋糕〞食剩，問邊個食？佢尋日放工回去吃左一件，而另一件就係台灣來的同學吃左，佢都話好吃，我聽到真係開心勒！