尋日阿媽參加左互助委員會攪既〝澳門一日遊〞，今日見佢拎D手信出嚟！我一見到〝三千年開花、三千年結果~王母蟠桃〞即刻拎返盒，我話肥阿哥和肥仔都鍾意食架！咁阿媽聽到就話咁唔比人喇！因為佢買得3盒〝王母蟠桃〞，但我要留返減完先食得。
老爺約8點來電，佢話搵唔到老公，所以搵我，佢交低過2日會回鄉，跟住就開始講一個傾左好多次既問題勒！我地傾左約15分鐘，但老爺不斷重覆都係講果幾句野。
每次我諗住都打完場話〝等老公返來，我同佢傾完，再叫佢打比你喇！〞，但老爺又會再重新講一次件事。我叫左老公打比老爺，而家佢地得到一個共識喇！希望快D攪掂喇！
老公晚餐食〝麥麥〞，衰佬係正我隔離食~引我，嗚~嗚~嗚~我真係好想食架！但我要忍~忍~忍~，不過，都吃左一啖五毫子size既牛肉，我揀乜醬汁都冇既地方先咬架。之後，老公吃左2個〝王母蟠桃〞加一盒〝百力茲〞做飯後甜品。
老人家係咁O架啦!!! D O野講完又講, 講完再講!!! 到我地年紀大都係咁, 哈.
回覆刪除[版主回覆07/22/2008 15:18:00]我都知道，所以我每次都係等佢話收線先 。我諗我老左仲長氣，因為我而家有時都好長氣架！
回覆刪除呢個我都好鍾意食架
[版主回覆07/22/2008 19:32:00]我都係丫！但唔係好多地方有得賣，而家D小朋友都唔知呢D係咩嚟！
哈哈~~你老公仔考你定力呀
回覆刪除哈哈
[版主回覆07/22/2008 19:54:00]佢好衰架！平時唔鍾意食，等人地減緊先嚟食~引我。
咁你忍唔忍到先？？？！！！
回覆刪除哈哈~~
[版主回覆07/22/2008 23:40:00]我緊係忍到喇！唔係就前功盡癈架喇！
其實我都唔洗問你ge~~我真係多持一舉呀
回覆刪除因為大番薯你一定忍到ge~哈哈
[版主回覆07/23/2008 21:35:00]唔好咁話自己喇！你都係擔心我破戒啫！
哈哈~「破戒」好得呀個名
回覆刪除仲要係「食戒」
哈哈
[版主回覆07/24/2008 07:21:00]你個名都好掂丫~「食戒」。