尋日肥阿哥來電話房署有信，我叫佢幫我拆開嚟睇！我諗唔通派第二次，肥阿哥話係〝特快公屋編配計劃〞，咁即係〝空歡喜一場〞，呢種信我收過幾次。
〝特快公屋編配計劃〞派比你果間屋可能係〝凶宅〞、火燒過、斬人，總之係有問題既屋，我相信比你都唔會住喇！好少人會接受。
今日我再打去問睇下幾時派第二次，好幸運地等左一陣就有人聽，不幸運地就係佢同我講‧‧‧
- 5月初~收到我拒絕第一次派屋。
- 6月尾~將我地個檔案放返入去配房階段，再要等多2-3個月才派第二次，即是要到9月-10月。
其實，我地4月尾已回覆拒絕第一次派屋架喇！不過，樣樣都要跟程序，我諗咁樣就樣樣都遲D咁喇！
我有點唔明〝將我地個檔案放返入去配房階段？〞，究竟係由頭排過？插返去原先位置？答案令我好失望，仲話要時間做野！所以要再等2-3個月。
今次我好出奇地，並沒動怒，因為我都冇咁好氣。我知道這個消息後想即刻話比老公知，但佢忙，唯有等佢lunch先。
老公聽到後問點解〝會由頭排過？〞，無他既~呢D咪係政府政策囉！
抽咩屋要咁煩?
回覆刪除[版主回覆07/18/2008 23:06:00]唔係抽，係要排，咪就係公屋，煩到死！
你就好啦~~~~~
回覆刪除等緊第2次派屋啦,
我連入老公個名都未呀,
我諗住下年生小朋友先吾做野
或做d出現金的工吾夠$5000蚊咪吾洗供強績金羅
咁你等左幾耐先派樓呀?咁你依家住邊呀?
有小朋友又吾知等幾耐呢?雖然要等到9~10月,
但都好過吾知等幾耐呀~~恭喜你先
ps:你擇邊區呀?
[版主回覆07/20/2008 10:03:00]我結婚前已經冇做野，我等左3年有多架喇！講講下都好似等左4年。我地已諗好晒，小朋友要等到屋再生，D人話有小朋友快D，但我覺得都係要睇下你好唔好彩。我有朋友有間屋，我可以暫住先，我揀左〝市區〞。
你而家一共有幾人呀?係唔係三個人申請呀?點解咁慢嘅?房屋署做野好鬼慢,啲人話要成日打去追佢先郁一郁,我老公張入息填好左LA,等我過多幾日打去問佢收唔收到先!希望快啲派到屋啦!我個意願係上水清河村,新起架!又近住我亞媽,好方便!希望你都快啲派到屋啦!
回覆刪除[版主回覆07/21/2008 01:01:00]我得我與老公兩個人咋！所以得2個人申請，政府做野係咁慢，打去問佢又係答個〝等〞，親身去問又係答個〝等〞。我都祝你快D派到屋喇！