阿B識游水

尋日朝早同阿B講過一次〝明天與肥老豆同你去街街，你早D起身勒喎！〞。
嘩！阿B原來聽到架！肥仔話佢今朝4點幾走入房叫醒肥仔丫！
阿B又唔駛咁早喎！之後又訓返，不過，6點幾又起身。
7點幾我打返去時，阿婆話阿B起左身，但8點幾我返到去佢又訓左，
再比佢訓多一陣就叫佢起身，因為9點半前要到健康院。

姑娘話阿B講野方面未如理想，所以2歲半仲要返健康院。
我地見完姑娘後，又見到肥阿哥個朋友，
佢地兩公婆又係帶個囝來做〝2歲成長監測〞，
佢地個囝亦都係阿B個朋友仔嚟架！阿B大過佢2、3日，
人地都識叫爸爸、媽媽和其他野，阿B都未識。

之後我地就向肥阿哥家出發，途中肥仔與阿嫂電聯後，
就話今、明兩日都游水，哦！你地游喇~我唔游喇，我冇游衣。
去到肥阿哥家，阿B係好眼訓打晒呵欠，但又唔訓要四出攪野，佢要打機。

佢係張梳化到碌來碌去好危險丫！

有見及此~肥仔就用滕條嚇佢勒！佢又係到抄喊，其實就係嗌，
小朋友最叻用呢招。順手叫佢訓，叫佢合埋眼，佢就用臭屎被遮住，
訓醒就可以去游水。

我新鮮整左〝富士蘋果沙律〞與阿B一齊分享，佢食左半個都唔夠喉，
但小朋友唔可以食咁多。

攪左好耐先訓，訓左1個鐘多D，我見阿B換完件戰衣先，
又著多件野咪問下咩嚟！肥仔話保暖架喎！

阿B話要做熱身先。

阿B自己一個係BB池玩，佢跳完幾下，然後雙腳離地浮起，呢個都未算叻。
娣婦話上次阿B係大池距離池邊2米到，佢係冇人扶之下自己游回池邊，
肥阿哥錄低左，有時間我都要睇下佢幾叻仔先得。

衰豬去到大池就游背泳，阿嫂傍住佢，佢成日自己翻轉身好似人地游背泳咁！
阿B都唔係去左好多次游水就識，同埋應該都冇乜點教佢，
因為佢都唔聽人講既！阿B係叻仔，但都係果句喇！
最衰就係唔講野和唔係好應人囉！

阿嫂話游完水補充體力，阿B食D粟米先。

晚餐阿B食烏冬，食完又係梳化〝攤斗〞睇電視,，睇下佢坐到。
輪到大人開餐喇！衰仔睇完電視又嘆完就又嚟攪攪振，又要食喎！
不過，佢地都食到尾升邊樹有野比佢食喎！

阿B食完野又話要做運動啵！
我地冇開波波池，但就拎晒D波一齊癲左一陣就離去。