呢到痛‧果到痛

今朝8點幾都醒醒地，樓下又係我床頭位置鑿野，但唔理再訓多陣，我都未訓著就被個衰佬批跟我喎！佢一跟批落我個眉心和鼻樑到，之後個肚又痛，咁樣攪法整到我成個人醒晒！起身時感覺到肩頸和背脊雞翼位都酸痛。

我諗住執完野就去整〝起士小丸子〞，但又開始有D眼訓，所以又走左去訓左1個鐘到又再起身。我想整包，但高達叔叔又唔知幾時到，就叫老公打比佢，當時已11點幾，好出奇地佢未起身打比佢先起，老公叫我整住先。

老公可能見我拎左個打蛋器辛苦，所以佢就自動幫我手，等我去整其他野。我個麵糰都未拉到薄膜佢就到，唯有放雪櫃回來再整。我地行去與高達叔叔會合途中，我同老公講‧‧‧

我：點解你唔拖住我丫？我隻鞋好〝扇〞。
老公：我隻拖鞋仲〝扇〞丫！
我：你〝扇〞丫！你〝扇〞丫！
老公：你都傻傻地既！

我地搵多地方食野順便去買野和睇下野，但係隻腳左邊膝頭有D問題，尋日隻腳已經係一企直就痛，個感覺就好似2舊骨對唔準位咁，個滕頭有D腫腫地既感覺，好耐都冇試過咁喇！唔通風濕？但我又好似冇整傷過丫！何解呢？

尋日老公睇到架〝超時代綠悠悠巴士@迷你巴士〞，但湊住阿B，所以今日先去買，同埋我尋日去〝Trendyland〞買傘，但冇帶會員卡，店員幫我留左把傘，所以今日去買。

高達叔叔又想去〝冒險樂園〞睇下有咩換，今次我醒目有帶會員卡，見到有〝米奇~橡皮擦〞又唔貴，我又有儲橡皮擦既習慣，所以換左。

高達叔叔未吃過〝芝士波波〞，所以我去A-1買左〝芝士波波〞比高達叔叔試，因為佢試過我既〝芝士波波〞，等我下次再整時，佢可以比到意見我。我買齊佢4種味：芝士、牛奶、紫菜、黑芝麻，原本有13蚊有5個，但高達叔叔肚餓，我未照佢已經吃左1個。

我地搵左好多地方，最後都係返樓下茶餐廳吃，基於我太肚餓，所以我叫左份〝奶油多〞，高達叔叔唔吃，我就與老公share。

老公家個手洗盆上次漏水整好左，但就有臭味浸出，所以叫高達叔叔幫手睇下，足知都係要落家買過條喉換，但間中都有臭味，但就好過之前囉！

而我就緊係整包喇！但係我既製成品與書有好大出入，同埋似鹹豬仔多D，都唔可以話失敗既。

晏晝時候，老公決定晚餐煮麵吃，所以去左〝惠康〞買腸、丸做餸。我將D野砌得好靚架！點知‧‧‧

我：睇下幾靚！
高達叔叔：嘩！咁無聊既~
我：係丫！我就係咁無聊架喇！

食完野睇睇下〝獎門人〞個胃有D痛、腸又有D痛，老公話〝你日日都痛架喇！你係咪食得飽得滯？〞，唔係丫！之後又睇〝好友移城〞，見到D玩具就諗起童年，有D老公都話佢以前都有，若然而家都係到就‧‧‧！