阿B好〝瘀〞@腳趾公

尋日肥仔已經話左我知阿B被架〝法拉利~紅色〞揼到隻腳趾公都瘀晒！
我話比老公聽，佢一D反應都冇，仲話預左架喇！佢成日都跌D玩具落地，
遲早有日實〝舐〞野！好在太公、太婆返左鄉下，若然唔係佢見到地實喊，
尤其是係太公，不過，過兩日就返到時唔知會點呢？

呢幅相係娣婦尋日影，睇見都心痛，我都諗唔到瘀得咁勁，
今日返到去已經唔見左件証物，連另一架〝法拉利~灰色〞都唔見左。
娣婦話阿媽幫阿B隻腳趾公浸左〝老鼠仔酒〞，大家唔好以為浸唔痛，
嘩！浸既時候都好痛架！因為我小時候比對鐵門夾到一隻手指，
又係好似阿B咁瘀晒！阿媽又係幫我浸〝老鼠仔酒〞，
當時〝毑〞到入心入肺，所以我好明白阿B既感受。

尋日阿B有腳傷都依然拐下拐下係屋到行來行去，今日都係咁丫！
老豆話佢好過尋日架喇！夜晚又訓得唔好，半成又喊，成日都醒。
慘囉~腳趾仔又紅又瘀。

瘀到連D肉都係瘀色，阿B真係好瘀丫！

阿B無論係跪、坐、訓都係拎起隻痛腳，有排先好得返。

雖然，有腳傷，但阿B依然都係咁開心，從佢鬼馬表情就知喇！

飲奶都無時定既，隻手週圍攪野！