今日起身仍然痛，不過，隻腳就好似冇事勒！尋日肥仔話阿B隻腳瘀左，今日我見到〝阿B好〝瘀〞@腳趾公〞就心痛，當時一定好痛。
我見阿B未起身就用電腦，用用下隻眼又開始花，個頭又痛，打個乞嚏都痛。跟住我就去食早餐抖抖，唔知過左幾耐就冇事，但頭先打既野有D都打錯字。阿B起身後陪佢玩左一陣，個頭太痛我去左訓，訓左半個鐘就被阿B叫醒左，跟住就吃左粒長效，諗住捱到阿媽放工就走人。
今朝同娣婦講我整左〝Mrs.fields曲奇〞，但佢話唔喜歡吃，點解呢？之前佢買過，但呢款曲奇係淋身，所以全部比晒佢家姐吃，我真係〝大鄉里〞，原來係淋既，等我仲以為係脆，將未焗既焗到佢脆添！不過，阿媽食過淋既都話好吃，我專登抽起左D脆既另外袋起留比娣婦吃。
之前係網上訂左件衫，不過，間野要集齊訂單後，先開運送須時都要14-20日，所以我都唔知實際幾時可以收到。
晏晝4點幾收到通知件衫已經係信箱喇！我就叫阿媽與我一齊落去開信箱拎衫，咁阿媽順手帶埋阿B去買野！老公話今晚又要放好夜，我見有D肚餓拎完衫就去買左隻炸雞脾吃。
我返到去第一時間唔係食野，而係拆件衫睇，當然唔少得試下喇！件衫比我想像中差D著得唔係咁好睇，衫質地太軟唔夠企身，但勝在著上身舒服，都預左網上購物緊係有D出入，加上自己咁既身形係咁上下架喇！之前係網訂左件褸和衫成2年都未著過，呢件應該唔會，有機會就會著。
之後又叫熊貓姐姐幫我買〝高、低筋麵粉〞，因為今個星期日大家會見面。話說開心果姐姐約我地尋日去熊貓姐姐家整蛋糕，不過，熊貓姐姐唔得閒，之後到熊貓姐姐得閒，又到開心果姐姐約左人，所以我地就順延今個星期日勒！
當然唔少得〝打馬吊〞喇！不過，高達叔叔話唔打，會拎模型去砌，所以就另覓人選至Fit姐姐。電話都未打至Fit姐姐已經搵熊貓姐姐話佢老公要出Trip，所以今個星期想約我地〝打馬吊〞，咁〝arm〞喇！可以成團勒！
晚餐吃〝麥麥〞，老公放工買回來，今次我試〝新珍寶黑椒漢堡〞，味道不及平時食開的〝巨無霸〞，好乾冇乜醬汁。老公見到阿B隻腳D相都話咁勁既，真係痛囉！
沒有留言:
發佈留言