兩眼發光@巴士

今日阿媽與肥仔都要返工，尋日同阿B講叫佢今日早D起身，
等我帶佢回老公家，然後等娣婦放工一齊去食野，再去婆婆到。

今朝返到去我就見阿B醒左玩緊，仲要食緊奶中場休息添！
我問佢地阿B幾點起身？阿B約8點就起左身~好耐都未試過咁早喇！
阿媽仲話佢前幾日帶佢去飲茶等極都唔起身，阿B真係咁聽話。

阿B見到牆上貼住一幅巴士既poster就好開心望住笑，
我抱佢去摸下，摸摸下佢仲想撕落嚟添！咁緊係唔得喇！
阿B係街見到巴士都會揮手架！

呢架巴士阿B之前都玩過一次，今次比上次興趣大左！
睇下佢幾心急要拎嚟玩，丈丈快D喇！

阿B玩左就眼訓，我開左奶比佢食，食時都眼仔〝Dup Dup〞，
但一食完就起身再玩過，阿B想落床，但老公唔比要佢訓，所以就喊。
之後又要扭出街，老公再訓多陣就一齊出去。

阿B又係唔肯行又要抱，阿B望街睇車望得幾入神。

睇下佢丫幾眼訓！

娣婦有2個同事與我地一齊吃，其中一個抱阿B去買糖吃。

阿B唔講野就叫佢〝請請〞以表多謝！
娣婦話阿B冇性格，因為佢成日都為〝五斗米而折腰〞。