我與阿嫂買禮物@沙田

今朝帶左阿B落街買減肥餐材料，我去完〝惠康〞又去街市，之後仲同阿B去睇車添！但由離開街市後一直都眼花花，直到回家後唔知幾耐就冇事。之後我都訓左一個鐘有多，訓完都好攰。

阿媽返晏、娣婦要返學，我諗住等肥仔放工回來就走，不過，阿嫂晏晝一點幾來電問我〝帶唔帶阿B去沙田，買玩具比阿B？〞，好丫！之後我打比老公話佢知我一陣出街，問佢買咩送比阿B又唔意見，咁一陣出去睇下先決定喇！

老豆提我先記得，今朝叫左阿媽飲茶時買盅〝鳳瓜排骨飯〞比老公做晚餐，而家出街盅野點算？仲有喎！我減肥餐既用料又點算呢？我就同阿嫂講我要拎D野回去老公家先可以出去，阿嫂知道後就叫我攪掂晒打比佢，佢過嚟同我一齊回去，再去沙田。

今日阿B要抱既時候，大多數都係阿嫂抱，真係多謝阿嫂。我地去到〝新城市〞租車，真係好彩最後一架都租到，之後去左〝玩具反斗城〞和〝荷花〞睇玩具，但最後都係係〝玩具反斗城〞買玩具。阿嫂買左個波波池，而我就買左個電腦仔，詳情請到：〝電腦仔‧波波池@提早的2歲生日禮物〞。

我除左買電腦仔外，仲買多左一個益智玩具，若果阿B玩就可以傳比阿嫂或者我個B喇！我地結帳時，原來購物滿二百蚊就可以成為〝玩具反斗城〞永久會員，所以我地每人申請左一張。不過，冇乜着數。

由於我吃緊減肥餐，所以冇食飯就坐的士打道回府，我地攪掂左阿B就各自回去。老公放工回來好肚餓，我就蒸熱D〝鳳瓜排骨飯〞比老公食先，我知盅飯應該唔夠老公吃話煮多個麵比佢，老公話一陣先算。到佢食完一陣話好似冇食過野咁，我就再去煮多個麵比佢勒！

尋日瀏覽人數又一百零幾喇！