亂晝一通

前日叫佢叫我都有叫，但發音唔多正確，尋日教佢叫〝太公、太婆、嫲嫲〞，
發現佢逢女性就叫〝媽〞，男性就叫〝爸〞，
今日教佢叫〝丈丈〞就叫左另一個音，我唔記得咩音，唔通真係就快講野？
下個月返學應該會有改善。

今日返到去見包住阿B隻腳既沙布有乾左既血跡，咁即係尋晚又曳喇！

佢依然咁百厭，明天阿B要返醫院覆診，希望塊腳甲冇事喇！

我見佢攪攪振就同佢一齊晝下野，平時我都好想比佢晝下野，
因為可以啟發佢思維，但佢坐唔定，所以都好少咁做。
佢個頭係我唔少心晝到架！真係唔好意思勒！

而兩隻手就係佢自己晝到既！後來我就換左支鉛筆比佢，
佢趁我影緊相時，又想用鉛筆晝自己，我緊係阻止佢喇！

張紙既公仔係我晝，其他亂晝大部份都係阿B，
吖~佢晝晝下又被佢發現到D野喎！因為張櫈係有少少斜，
被佢發現放支筆係到係會向下滾，佢知道就不停咁玩，
仲玩到〝咔~咔~〞聲添！有時佢見支筆唔郁就用手推一推等支筆向下滾，
咁快就自己學識~真係好勒！

食lunch前已想訓，lunch後我執野，轉頭就見佢趴轉訓，
我等佢訓多一陣就將佢翻轉身，怕佢會焗親。