破壞王

尋晚阿媽同我講左屋企換左張新檯，
雖然，張檯都用左幾年，但係實木仲好新架喎！

今朝一返到去就見到原來係張摺檯，我諗係佢地想阿B多D地方走動。

娣婦：阿B尋日一見收起張墊就立即揸車撞張檯喇！
仲到爛左，老爺搵膠紙黏住咋！

我：咁張檯幾時換架？

娣婦：尋日。

阿B你真犀利，尋日買你就立即撞爛佢，你既破壞力認真~勁！

今朝我約左熊貓姐姐吃lunch，咁阿B當然跟隨喇！
佢唔肯行，我買完要買既野就打道回府，可能佢眼訓喇！
行左約一半車程就訓左，架車一到總站就立即醒，每次都係咁~真激死。

醒左之後唔肯訓，攪到我訓左幾次，但係邊訓邊要提高警覺，
因為阿B跑完又撞落我到、又拎個足球拋落我到、又爬上我身到、
又當我馬咁喇‧‧‧，但我真係好攰起唔到身。

最後佢坐左係我到，然後聽到老豆話〝攞左部相機〞，
隔左一陣我先醒覺立即攞返，我見佢扁晒嘴想喊，我話〝你唔好過嚟我到丫！
唔要你丫！你頑皮！〞，之後我入房整野，佢又跟住，之後我冇理佢出左去，
佢係房嗌到喊與不喊之間，想引我好難喇！

我叫佢自己出返嚟！唔出係到喊，我由佢喊左半個字到，再入房，佢要我抱，
我叫佢自己行落床，落左床就攬住我對腳，咁我就抱起佢行出房，
放左佢落地叫佢覺豬，佢就自己走去訓，訓左成個鐘都冇郁過，
整個過程由2點幾至5點28分先訓。