上星期四，我打過去房署問過幾時派到樓，房署職員就話比我知而家係
〝重新排過@配房階段〞。
尋日阿B兩歲生日，大家齊集肥阿哥家，咁我地順手拎埋上次〝特快公屋編配計劃〞邀請信。肥阿哥比老公時話有兩封，另一封係話老公〝無理拒絕〞，咁好明顯係話上次我地拒絕〝環翠邨〞喇！嘩~咁遲先有信返，等我仲以為唔會有Black&White添！
房署真係，唔係我打去問佢野，佢都唔寄返封信嚟！難度真係咁〝喬〞？我睇過郵局和信個date chop都係2008年7月18日，咁即係我打去第二日就send封信出嚟喇！件事咁巧合，好難唔令人聯想到佢地〝踢一踢‧郁一郁〞。
其實，我好懷疑房署~都唔知係咪我打去佢先做野！所以我而家都未派第二次，我以後都要間中打去問下進度如何先得勒！
真係架!我個朋友話比我知架,要時不時打去,佢哋先會做野架!我次次打去佢就有信寄嚟,踢一踢真係郁一郁!
回覆刪除[版主回覆07/21/2008 17:32:00]激死我喇！等我等左咁多年，不過，之前我朋友知道我打過去房署問，佢都叫我鬧下人，佢話房署D人唔鬧得架喎！但我從冇咁做過架！咁等我得閒又打去先！
政府o野係咁o架喇!!! 不過你打o左去問, 應該會快 d , 希望你好快收到上樓信啦!!!
回覆刪除[版主回覆07/21/2008 22:25:00]我都希望係咁，成你貴言！
你可唔可以教我整個鐘同啲時間落去個blog到呀?我整來整去都整唔到,真係激死!只係爭最後個部份咩"4.進入( 版型設定 ) 將貼紙拖曳到你想要的位置即可,我唔明佢講咩?
回覆刪除[版主回覆07/21/2008 22:27:00]當然冇問題喇！整埋少少野，去你果邊話你知！
咁你依家租屋住?
回覆刪除[版主回覆07/22/2008 07:20:00]我朋友有間空屋，暫時住住先。