黑紅腫@腳趾公

今日見阿B隻腳趾比尋日黑和紅，可能散緊瘀喇！
不過，我感覺到塊腳甲好想甩咁！若然甩左就麻煩勒！

衰豬仍然〝馬照跑‧舞照跳〞，通屋走、擒高擒低我真係怕佢撞甩左塊甲，
見佢脆起到起身動作十分迅速好似冇傷咁！

睇下有傷與無傷隻腳趾公差幾遠！

今日肥仔放假與我帶阿B去左隔離村行商場，
肥仔扭左個〝Disay~不倒翁〞，佢話中左個最醜樣既！

阿B玩玩下又學肥仔向住個塞吹喎！傻仔嚟架！都吹脹左咯！

行行下又扭我抱，查實佢都冇乜點行過。

阿B除左〝Disay~不倒翁〞外，肥仔又買左隻〝阿Pooh〞杯比阿B，
仲有架巴士添！原本唔係買呢架！肥仔想買果架係HKD84，
我話咁貴又唔係真野！覺得值呢個價，所以就簡左呢架HKD45，
其實，我都覺得呢架貴，不過，別冇他選，唯有選佢。

我地經過藥房見有退熱貼咪入去問下價，佢話HK48，
仲要係〝Made in Japan〞，而家好少有，而且下一水就會加價，
所以買左一盒。

阿媽為阿B預備左下個月入學既〝被鋪〞，阿媽仲話等肥阿哥幫阿B寫名，
因為肥阿哥手字係最靚，好多人都係咁講架！