尋晚問老公今晚炒飯好唔好？老公話唔炒飯，要我係屋企拎飯比佢食，可能佢好耐冇食住家飯喇！
老公公司好忙，有好耐都冇食過住家飯，即係炒餸、煮飯、煲湯果隻。娘家每晚都有煲湯或滾湯，因為我食完飯一定要飲湯。以前佢放工就會來我娘家吃飯，然後與我一齊回去，而家都冇呢支歌仔唱喇！有時忙到有時星期六、日都要返工。
上星期阿媽話老公冇湯水唔得，唔飲湯水個人會瘦架！我就覺得冇乜根據，不過，老公真的比之前再瘦左D。尋日諗起阿媽所講，又見搬左嚟呢到都冇煲過湯，就諗住煲下喇！但我買材料又少，之前與同屋住一家住我成日都煲湯架！人多買多少少都唔怕嘛！而家得2丁友，緊係最好一次過用晒！唔係又唔知幾知先會再煲，而且個雪櫃細呢無位擺，諗諗下都係唔煲，下次回娘家拎定D材料先煲。
今日我專登叫阿婆煲湯等老公有D滋潤，仲係煲左老公喜歡既〝菜乾湯〞，D菜乾係鄉下既舅母們晒架！我都拎定左D材料，預備星期日高達叔叔來砌模型煮餐住家飯，再煲多個湯。
今晚我煮左3個餸，唔知係咪太耐冇煮，樣樣都好似冇以前咁好味，真係失晒水準添！
〝豉椒鳳爪〞
〝XO醬炒紹菜〞
嘩..似模似樣咁呀,賣相都幾吸引^^
回覆刪除[版主回覆07/31/2008 23:22:00]多謝~今次係得個樣，我覺得麻麻地好食，今次失手。
你老公做咩工作??? why咁忙???
回覆刪除[版主回覆07/31/2008 23:52:00]佢做生產管理，因為大陸廠執左，D野要回流返香港做，所以就咁忙。
大番薯係時候要出動啦
回覆刪除要從出江湖啦
加油
你老公仔個肚叫緊你呀
聽唔聽到呀？細心D聽下
[版主回覆08/01/2008 09:49:00]收到~收到~完全收到，所以我星期日都諗住煮餐住家飯佢吃。
好yeah~~
回覆刪除你老公仔有口褔時
細番薯又有眼褔 lu........
[版主回覆08/01/2008 19:49:00]都好耐冇煮，我又怕會失手令老公冇face。
唔會ge~~~~
回覆刪除大番薯手藝不嬲都咁得
第一次唔得咪第二次囉
第二次一定得
[版主回覆08/01/2008 20:12:00]嗯~我會比心機架喇！