電腦仔‧波波池@提早的2歲生日禮物

今日阿嫂下午放假約左我去沙田買生日禮物比阿B，
我地去左〝玩具反斗城〞買。

今日阿B出街既得意相。

今日老豆又買左2架車比阿B玩，老豆話阿B有好多車要同佢影返張先。
D車係老豆幫佢排嚟影相架！

我地3點幾出發，阿B已經有D眼訓，所以坐車時個樣有D呆滯。

我地到〝新城市〞就立即租車，好在我地快一步咋！
因為係最後一架！係我地後面有個人想租都冇。
我冇帶奶比阿B，但帶左〝麥精〞做代替品。

然後，就去〝玩具反斗城〞睇生日禮物，都有D心水，不過，睇埋〝荷花〞先。

〝荷花〞選擇仲少過〝玩具反斗城〞。

最後再折返〝玩具反斗城〞買生日禮物。
阿嫂買左阿B好鍾意既波波池，個波波池會放係肥阿哥果邊，因為屋企唔夠地方。

我就買左個電腦仔，等阿B大個左就可以用勒！

由於2件禮物都幾大件下，所以坐的士回家。
落的士後阿B頭望後腳向前就中招，個頭撞左落個鐵欄到，仲有反彈左一下，
咁緊係喊得好勁喇！回到去阿嫂睇到佢個頭腫左，我即刻同佢搽去疼膏。
我有向娣婦匯報，娣婦話唔緊要，佢每日都撞一次。

今日阿B一直都〝悶悶不樂〞，回家後吃完奶就有活力喇！即刻去拎禮物。