氣管炎~老公

尋晚晚餐老公買〝肯德基〞一齊食，而家一個餐唔可以2件都要雞胸或雞上脾，因為店員話雞上脾冇貨。

這個星期晚晚九、十點就見到老公對眼皮不停向下垂，尋晚已經有D先兆我見老公食完又猛咁清喉嚨又有D咳。老公話有D喉嚨痛添！仲話唔知明天會唔會有事呢？

今日老公起身已經話喉嚨痛唔係好講到野，老公要去我尋日睇既醫生到。嘩！今日診所人山人海，仲有十幾人才到老公。

醫生話老公係〝氣管炎〞要戒口，還問身邊有冇人咳？因為痰黃色係傳染得來的，所以千祈唔好與小朋友接近，痰越濃喉嚨會越痛，目前重要係清左黃痰先。老公既藥有2隻係同我一樣架！我諗係消發炎和胃藥。

同屋住約左我地明天去佢家耍樂，但老公擔心明天還有不適，所以我已向熊貓姐姐報定案，但都約定時間地點先，到明天我再匯報是否繼續。

醫生話要遠離小朋友，我擔心老公會傳染比同屋住2個女，明天要將佢地隔離先得喇！係喎~老公星期一未好都要與阿B隔離。

之前話左買把交剪比阿婆和買個削皮刨比細舅母帶回鄉，看過醫生後去左〝吉之島~10蚊店〞。一入到去就見到有白味噌和紅味噌開心到我暈，因為上次去過2間都冇貨咁我緊係2款各買一包喇！唔係都唔知幾時會再有貨。我只係買左個削皮刨，因為交剪冇貨。

老公要戒口好多野都唔食得，大家都冇idea〝今晚食乜？〞，係等車時我話下次煮麵就可以用味噌做湯底，老公靈機一動就煮烏冬食喇！然後再去〝惠康〞買pack水餃就攪掂，老公唔舒服，食完緊係我洗碗喇。味嚐湯烏冬食譜：味噌湯烏冬