〝米奇〞特大筆

我去左〝惠康〞買〝莎利蛋糕〞做早餐，所以呢排早餐都會吃它，但係唔知點解冇以前咁好食，我睇到盒上個貼子寫住〝For Hong Kong Market Only〞。

尋晚娣婦來電我走後阿B又開始發燒和剛才餵退燒藥時又嘔，所以叫左娣婦半夜阿B有咩事都通知我，等我照顧阿B，因為有次肥仔和娣婦怕半夜打擾我就冇通知我，但娣婦話唔駛，唔緊要喇！因為得我唔駛返工。

今朝娣婦話阿B未退燒要去睇醫生，放低左張覆診卡比我係醫生到等，不過，到娣婦放工來電肥仔〝OT〞唔嚟！咁老公又要約8點先到，所以娣婦回來與我一起去。

我地出得嚟睇醫生就預左唔回家吃飯，所以去左〝別府駅前料理〞，娣婦覺得水準不及〝百人一珠〞，梗係喇！〝百人一珠〞喎！因為阿B扭計，所以我地輪流帶阿B出去行去援和下佢既情緒，攪到我都唔記得影相，所以娣婦個飯已食左1/3架喇！

〝日本蘿蔔〞鹹到有D苦，老公碗麵少，所以我分左D飯老公吃。

娣婦~滑蛋豬扒飯：洋蔥好生。

老公~叉燒拉麵：OK喇~份量少食兩啖就食晒！

我~咖哩豬扒飯：味道一般，汁不夠。

家用緊既毛巾已經爛晒，食完飯經過〝Trendyland〞減價老公就叫我入去睇下買毛巾，我買左2條毛巾後見到有好大支既〝米奇〞筆又唔係貴，而我又係會員，所以買左，睇下幾大支。