身在福中不知福

前幾肥仔已話今晚去肥阿哥果邊食飯，老公嚟到就話：「唔知係咪訓〝禮〞頸？」，仲話比我知頸後對下脊骨2邊痛，但我都未試過，所以唔知。我話幫佢按幾下又話唔駛，仲好慳返。

今晚叫〝元綠〞壽司外賣，本來又係煮烏冬，但肥阿哥唔想食，咁又係我地差不多次次唔係炒烏冬就湯烏冬吃得多都厭喇！我地未睇完〝古靈精探〞就閃，因為阿B眼訓。

回到去老公又話左邊條頸和肩頸個凹位好痛又擰唔到去右邊，咁我就知佢咩事喇！你應該唔係訓〝禮〞頸我日日都係咁，幫佢按又話唔駛，我話不知有幾多人恨都恨唔到丫！

以前係屋企住日日都有幫肥仔按，不過佢D肉又實又厚，而家按一陣我2隻手指公就會有好似想甩既感覺，基於這原因和有時自己本身都好痛，所以推左，但我都知佢返工要搬野辛苦有時都會幫佢按。

仲有以前間中都有幫朋友、同事按下，佢地舒服到差D訓著個個都讚我架！你都唔識貨，我都不知幾想成日有人可以幫我按。

老公聽完後去洗白白，唔知係咪經過我狂〝Sale自己〞後，洗白白後叫我等佢洗埋個厠所就幫佢按。

我只不過出左3、4成力老公已話我大力，基本上我好似係佢表面掠過咁咋！按到背脊位置又話痕閃嚟閃去，有時又話痛叫我細力D。我按佢條頸非常崩緊，於是我就彈佢條筋，佢話痛係我意料中事，但彈左會舒服D。老公話睡前都要貼返一張細膏布訓。

今日我執左屋，但唔知放假回去會唔會又亂晒呢？