欣賞

首先我想恭喜〝肥仔、娣婦〞，因為頭先睇新聞見到居屋攪珠已公佈，我就打去問下中唔中？唔駛講答案大家都知喇！ 今次申請比往常多人，因為係最後一次，佢地真係幸運可以抽中，這些幸運何時到我呢？

尋日朝早阿婆已話晚餐冇餸，我諗左好耐都唔知煮咩好，到5點幾就與阿B去〝惠康〞睇下，最後買左肥牛和洋蔥炒。我返到去預備整餸時阿婆又話多餸得滯，咁我留返明天先。

夜晚食完飯我過左肥阿哥邊比野佢，係我臨走時話今日與阿嫂來食飯，咁我就通知左家人，咁明天要買多D肥牛炒洋蔥，仲有煮咩餸好呢？吖！不如〝泰式春卷〞喇~之前肥阿哥&阿嫂去泰國旅行買左泰式春光皮都未整。

今日食完晏阿婆就開始煲湯，阿婆話D豬肉貴左好多買十蚊好似以得以前5蚊咁。晏晝2點幾肥阿哥來電話今日多野做佢地唔來吃飯，咁樣我唔整春卷，又唔駛買多D肥牛。

每做一樣野都想有人欣賞和讚美一下，才有動力再繼續做，才會有下一次。今日我煮左2款餸〝甜梅菜蒸肉餅〞、〝麻醬洋蔥炒肥牛〞，全都很受歡迎肥仔和老公都添飯，令到我好開心都不枉我週身骨痛、膝頭又酸軟都煮餸。

〝甜梅菜蒸肉餅〞係我〝無心插柳〞而成功的，因為我洗白白後見阿婆剁好左，但又冇人醃，所以我就請纓去醃，其實，我都唔知調味料用幾多份量去醃，因為我好耐之前做過一次，但唔滿意因與屋企的差好遠，我屋企既蒸肉餅係蒸完出嚟表面好滑之餘又唔會離邊，之後都做過2次比阿B吃，不過蒸完表面〝鞋〞，佢地話食落都好〝鞋〞。

我有時見街果D蒸完表面好〝鞋〞我都唔會吃，但今次比我〝符轆〞做到與屋企一樣的效果，美中不足係個邊有微微離邊，不過，做到這樣我已經好開心。

之後就炒左個〝麻醬洋蔥炒肥牛〞，在汁料方面係用左〝李錦記~麻醬〞，但之前我試過這支麻醬味道唔錯，試左味先知其他調味料的大約份量。起初我怕唔好吃，但結果大家好受落，這味餸又係快靚正。

老公係等車回去時叫我明天要7點7叫醒佢，因為差D遲到，我即時既反應係〝你成日都係咁講架喇！叫極都唔起身，叫得醒你至算喇！〞，你大力推醒我囉！我有架，一係叫你唔醒，一係你醒左發老脾，嘥氣！而家越嚟越遲出門口，以前我8點零2、3分就回到去湊阿B，而家要8點15分才回到。

近日老公好攰回到去都躺在床上看電視或睡，頭先又睇睇下訓左，我間中叫佢洗白白直到12點幾才起身，係睡前老公吃左D〝莎利蛋糕〞，佢叫我整下〝莎利蛋糕〞仲好，因為佢好鍾意食，我話唔整比佢食，口話唔整啫，但個心緊係話〝好喇〞。