巧合〝六合彩〞

2 March 2008

今日同屋住約左我地耍樂，老公病尋日與熊貓姐姐講定十點回覆是否繼續。我約十點叫醒老公問：「去唔去？」，但我問極都冇答案，因為我知老公〝十五十六〞，跟住佢將個波交返比我，我緊係冇所謂喇！佢又問「唔去有咩做？」，唔去我地冇野做架喎！最多係試個電飯煲~焗蛋糕囉！因為尋日淨係記得試個Pingu暖水壺。老公決定後我就通知熊貓姐姐如期進行，出門口前老公叫我預備口罩。

我地約左去馬會等，但未有人到老公就入去買〝六合彩〞，而我心血來潮又去買左張電腦票和自劃左一條total用左25蚊。睇下張電腦票有3條都有49號，而我自劃都有49號~真係巧合，如果開49號就好喇！還有2條有3個號碼都係相同，如果這3個號碼都開晒咁就正喇！(真係貪心)，然後放回銀包。

我地與同屋住一出一入馬會，出到去未齊人我又想對下剛才張電腦飛與上一期開獎號碼有冇相同，一對就出事喇！第25期 28/2/2008 開獎號碼： 6、8、13、17、35、49 + 45，居然4條裡面有2條都中左3個字，亦係橙色線果2條，~氣死我喇！如果呢張票係上一期既話我可以收回40大元，但係我張係第26期呢，咁樣好明顯我今晚唔會中喇！好日唔買〝六合采〞，一買就〝唔好采〞。

晚餐我諗老公好多野都唔食得就提意去樓下〝五十嵐〞食，佢地話〝你揸Fit喇！〞。我地被安排坐〝U〞形有異味既位置，這股異味係〝酸酸縮縮〞應該係從食物渣滓發出的，老公極之介意，但我又接受到，我最怕係〝污租〞既地方。大家想轉位可是我地人多只可以坐〝U〞形枱，但得3張其餘2張都有人，唯有大家快快吃完就閃人。

老公坐最出又係最接近果個被雙重夾擊〝唔舒服+異味〞之下有D暈，於是我就與老公換轉位坐。後來野食剛到同屋住發現〝U〞形枱有人走，我地可以要求轉枱喇！由於太混亂有D我都唔知佢地叫左咩食只係影左相咋！

我與熊貓姐姐：網燒牛肉定食~網燒牛肉、白飯、壽司(太卷、三文魚、熟蝦)、麵豉湯。熊貓姐姐冇食壽司，因為對佢冇乜信心。

麵豉湯：我碗係微微暖，不過熊貓姐姐碗少D之餘仲係凍，所以佢就換過碗熱。

飯：我食食下見到熊貓姐姐碗飯出煙係熱架！但我碗凍帶點微暖，仲要係凍到硬硬地，不過我都成碗食晒。唔好食都分好多級，只要唔係太難吃我都會食晒。

同屋住老婆：豬軟骨餃子拉麵配三文魚刺身、壽司(鰻魚、熟蝦)

老公：網燒牛肉拉麵配壽司(太卷、三文魚、熟蝦)，不過老公冇食壽司只吃左碗麵。

同屋住：佢話未食過有腥味既蟹，炸魚個頭好脆。

高達叔叔：佢自己與熊貓姐姐都覺得成份餐好〝腥〞，飯上面係生牛肉，成份餐最好食係〝雜菜〞，居然係配菜最好食。

食完對面有〝彈波波〞，我、2個小朋友、高達叔叔每人玩左1蚊，佢地去換禮物，高達叔叔比左張〝米奇〞月曆卡我。細妹走過來拖住我問：「你張卡卡呢？」，我比左佢，然後佢拎佢D卡與我張對併。

細妹：一樣架！我幫你袋住先丫！

我：唔得~高達叔叔專登比我架！

同屋住老婆話成日都係咁！真比細妹笑死，然後熊貓姐姐〝照辨煮碗〞對細妹講一次，佢真係比D卡熊貓姐姐袋住。