旺水~水為財

今日老公〝旺水~水為財〞是也。

老公尋晚想收埋張毯，但我話唔駛喇！咁佢就淨冚棉被，而我就棉被加毯。

今朝起身見到開左風扇

，夠鐘叫老公起身，佢一張開眼有少許發老脾

問我‧‧‧

老公：「D衫係邊？我搵唔到。」，我立即開抽屜拎左出嚟比佢，佢就立即話我。

老公：「你自己冚少少被，其他就冚晒落我到熱醒左，攪到我成身濕晒，又搵唔到短袖衫喎！」

之前老公都話我有時〝呼〞被會將D被冚晒落佢到熱醒佢

，仲試過老公半夜熱醒起身見到張被係對摺左一半冚晒落佢到，而我係一D被都冇，不過，那時天氣唔凍唔熱。

跟住半個月前又出現這情況都問過我一次D衫擺係邊，不過，果時天氣冇而家咁熱，我答左佢係抽屜裡，之後大家都冇左件事。

其實，我將夏天衫收埋時都怕天氣回暖冇時間搵出嚟比老公換季，所以返工和睡衫我都收剩D作緩衝，但我又諗唔到擺抽屜佢都搵唔到，仲要係佢每日都開既抽屜，可能半夜佢冇開燈掛。

我都好丫！比晒D被老公冚，而老公情願D被被地下和自己冚都唔比我丫！有時半夜醒左又要用好大力先掹返D被，因為老公爛訓和會捲被，所以我每晚都會用一隻腳踩實被角就好D，但有時都係冇被冚架！

老公在我預備晚餐中來電，我就叫阿媽做住我代言人先，我聽到阿媽話爆水管叫老公搭地鐵，但老公公司附近係冇地鐵，掛線後話可能要晏D叫我地食飯先，阿媽話睇下晏D點先決定。

老公放工時來電會如常時間到，原來係佢公司爆水管，未搵到人修理要等明天，所以佢與同事抺晒D水關埋水制就放工。老公話上晝搬完倉，放工又做咁勞動既野好攰。