處事、做事方式

老公返到見到D麵包話：「個樣好似唔得咁喎？」，老公問左幾次，
我先〝嗯！〞一聲，因為好失敗唔想應佢，之後佢話想食，
我立即叫停佢〝唔好〞，之後我就去左洗白白，
我一眼都冇望過老公~我唔開心囉！

今晚老公話煮麵食，又賣左〝吉吉〞，
仲去另一間買左我喜愛的〝雞腳〞返嚟比我添！

我與老公的處事、做事方式有很多不同，
佢成日覺得唔係一個問題、沒什麼大不了，但在於我既角度就係一個問題，
佢成日都話我點解要咁〝執著〞，往往講講下因為佢咁樣我就會〝大發雷霆〞。
嗌得多我唔想傷感情，所以我都改左少左爭嗌。

頭先又因某些事而爭嗌，不過，我地又好快冇事。
我諗老公冇睇到我篇〝三失~U_U〞，因為佢咩表示都冇。
不過，佢見到D包唔得都話要食，都算係咁喇！