首先聲明我寫這篇不是想話自己做得對、貶低任何人、針對別人，而是由阿B出生到現在藏係我心裡冰山一角的問題。今日又嘈完，觸發我去寫下來發洩一下來平衡一下我的情緒。
以前每日差不多我會為左阿B同〝四大長老〞嘈，佢地亦都會為左阿B同我嘈。阿B日漸長大都少左好多，嘈得多有時我都懶得理佢地，咪自己唔出聲囉！但有時又好難忍，因為佢地會係同一日內不斷重覆又重覆講同一樣野，有時仲要係差不多每日都講同一樣野又要重覆不斷，有時仲唔止一個人講，而係幾個一齊對我一個人，平時佢地返左工得我一個人，試問我點擋咪唯有發爛囉！
阿媽和老豆都話全部野都我攪出嚟！又話我成日〝啄〞住佢地，講到我好似示威發起人、〝扇〞動者咁。
每次嘈娣婦緊係唔出聲架喇！出聲咪屎緊，心不想都會默默接受，娣婦都有叫我唔好同佢地嘈好似佢咁唔出聲照佢地意思做，但有時真係好難忍，不過，有時佢忍唔住就會用唔多滿意的語氣回應，而肥仔又好少出聲既，所以得我一個人與佢地嘈。有好多野唔係我出聲既話，而係娣婦出聲咁〝日積月累〞係咪會好大鑊先，咁大家都會有心病，但由我出聲嘈完就算架喇嘛！ 就算有事大家都唔會嬲好耐。
我與兄弟都承接左老豆的脾氣係一個〝怒騷王〞、〝脾氣王〞、〝火爆人〞，而我個人一向有不滿就會大大聲〝Bi Li Ba La〞鬧人，跟住就冇事架喇！阿B唔知會唔會又承接左呢？
剛才10點幾阿B眼訓我陪佢訓，直到阿媽11點幾回來仲未訓，又話開D奶比佢食，我緊係唔準喇！咁大個係時候戒奶喇！你咁攪發幾時先戒到奶，平時我係到都係一日食3餐奶，但我一唔係到就就唔止3餐奶咁少，所以我都唔知可以點做。
大家就為此事而爭辯，最後我話你鍾意喇！你自己湊晒佢，我唔湊喇！阿B得一個，但大人就有幾個，而每個湊既方法都唔同，往往為此而嘈，我真係好煩、討厭。
上次醫生都講過咁大個人要靠食物去吸收營養，不可以靠吃奶，奶係提供唔到這些營養，但娣婦都唔想比阿B戒奶住，因為奶入面有好多營養係食物冇。阿媽又話佢唔食野緊係比返多D奶佢食喇！其實，正可能這個原因阿B諗我唔食飯、粥都會有奶食就唔駛咁落力食晒它喇！
平時佢地食乜阿B又食乜，又有時失驚無神比麵包、其他野佢食，咁樣你話仲駛乜食正餐呢。我都間中都會比餅乾佢食既，但唔係一日比幾次比好多。我自己覺得咁大個人一日食餐奶，最多有時間中食2餐都可以接受，我知奶粉可以食到7、8歲，但都唔係一日食3餐或以上架。
雖然如此，但係我都好錫佢地，佢地都好錫我既。其實，阿B係好好湊，最衰就太多人一齊湊，每人湊方式不同，人多自然意見多，湊阿B唔辛苦，但每日要我一個人對咁多個有D受不了、吃不消。如果一個人湊阿B應該有好多野都已經戒掉或進步，好在阿B氹得人開心，如果唔係就‧‧‧
我都感受到你ｏ既煩惱． 老人家成日覺得就個孫就係錫個孫， 個孫想要乜就俾乜佢， 好似我阿媽咁， 有時ｏ岩ｏ岩食飯， 我阿媽就走去拎汽水俾d孫飲, 我就好反感, 我都會大大聲叫我阿媽唔好, 要飲都要等食完飯先飲得, 我都好黑人憎o架, 成日都唔俾佢地做呢樣, 唔俾佢地做果樣, 因為好多都係好無益, 我諗佢地都頂我唔順, 不過我都係為佢地好, 唉.....好人係好難做o架啦!!! 學你話齋, 個個都有自己諗法, 其實都係想鍚D 小朋友O者, 不過大家方法唔同, 真係好難做到大家都同意, 個個都話好, 仲有對住屋企人語氣都係會比較重, 因為知道過O左都唔會放O係心, 轉頭就無事, 所以嘈起上O黎就好唔俾面, 最後件事都係無解決到, 下次又係會因為同一件事再嘈過. 我覺得係死症, 無得變. 要去改變人係一件好難Ｏ既事, 唯有改變自己, 不過要改變自己亦都唔容易, 所以.....我講咁耐都覺得自己廢廢地. 哈.......無得變O架啦. 或者呢 D先係大家相處Ｏ既方式， 呢個方式都用Ｏ左咁多年， 根深柢固， 紮Ｏ左根Ｏ架喇!!!! 算吧啦．．．． 唔好嬲， 搵 ｄ 自己鍾意食ｏ既ｏ黎ｏ黎安撫自己啦．
回覆刪除[版主回覆03/29/2008 00:11:00]我寫完篇野都冇嬲喇！都嬲唔到咁多。
佢地有時真係好偏心架！我地細時乜都唔得，阿B而家乜都得，好似有次阿媽比阿B訓係到食野！我即刻話〝訓係到食野會變蛇架！〞係阿嫲話架，我就話阿媽以前又唔比我地咁，阿B〝貴氣D丫？〞，佢居然話係~真係比佢吹脹。