〝它〞快些遠離我~

我食完飯趕住回老公家睇〝最美麗的第七天〞忘了拎相機，所以今日Blog冇相。

剛才老公又講錯野喇！佢收左衫，然後去洗衫，再去洗白白，
但去洗白白前居然同我講〝你唔會摺衫架喇！〞

，
吖！你咩意思丫

？老公立即話唔係丫~講錯左咋！我係想叫你唔好摺衫丫！哼！既然你咁講好我就唔摺衫，原本我諗住一陣摺。

自從上次睇完醫生和睇左少少Blog友仔介紹的書後

，個人自然放鬆左D骨痛都好好多，我已有2星期冇貼〝撒隆巴斯〞訓，只是在睡前搽〝冬青膏〞，
但係星期日按摩完後晚上，尋日、今日D骨又好似以前好痛的時期咁

，
所以這2晚我又要貼回〝撒隆巴斯〞訓，而日間就要搽〝冬青膏〞止痛，
不過今日好D時痛時好D。

我諗會唔會我既情緒又再次高漲呢？又會唔會按摩師傅按完係D骨火呢？
老公晏晝來電我就同佢講左我既情況，佢既睇法都與我差不多，
老公叫我同阿B一齊訓一陣。

我又好攰又痛快手整好野後就同阿B一齊訓

，
這種攰既感覺就好似之前以為自己病，但原來醫生話我係〝情緒緊張〞那種攰。

剛剛我又記起好似就到定期性不適

，因為每月定期性不適前我D骨都會比平時痛幾陪

，我真係好想是這原因導致，因為我已經好努力去改變減少痛楚，
我冇奢望過有獎品，但都唔好加一腳！
不過，唔緊要我有〝阿Q精神〞和〝希望在明天〞。

明天晏晝肥仔要去〝樂富〞房署攪D野，我可以順便問埋我D野，
但要肥仔個客請食lunch要等佢回來接我和阿B去。