確診~玫瑰疹

上年阿B都試過一次〝疑似~玫瑰疹〞，不過今次係〝確診~玫瑰疹〞。

肥仔和娣婦都放假，因為阿B身上的紅點要睇醫生。

早上換片時發現紅點退了點，所以取消去睇醫生，後來阿B痾左臭臭順便洗白白，著衫時娣婦發現阿B的紅點相連，頭先應該光線不足大家都以為退了，所以要去睇醫生。大家都預備好就出發，現在已12點、醫生一點關門，因為時間緊迫唯有打的喇！

阿B真係唔可以停留係一個地方，在商場內跑、叫，娣婦就在診所內等候，行到攰、抱到攰就入診所歇息一下，衰仔又叫又要出診所外，姑娘叫佢個名話就到喇！睇下幾曳姑娘都知佢叫咩名。

娣婦用餅餅氹佢，平時這時段已經吃左粥和飯喇！我諗佢可能肚餓就提意去買包包，肥仔比錢我和娣婦與阿B一齊去。回到診所問佢食唔食包咋！已經張大口喇！坐坐下燈都熄埋，過左幾個後下個到阿B。

醫生睇完話出疹又問阿B有冇抓？冇，娣婦問係咩疹？係〝玫瑰疹〞與一段疹不同，一般係邊出邊發燒，這種疹係發燒後先出，阿B手、腳都未有還要出多2日，到手、腳都出疹後就會康復。

阿B要食得清淡、不可吃瘦肉、吃白粥，並且不可以吹風，咁係咪唔可以出街？唔係可以去海賓長廊、空氣流通地方，千萬不要去酒樓，尤其是波波池有好多細菌。

我地聽完後就開門走，突然想起冇講又冇問會唔會傳染，我轉身問醫生，〝玫瑰疹〞傳染性低，但BB或年幾差不多都會傳染，除非出過，但大人機會好低。

離開診所後就去醫〝五臟廟〞，跟住就去左公園玩。阿B見到有好多小朋友玩這架唔郁得既車，就走過去玩。

跟住又去玩旋轉滑梯。

玩玩下又走左去，咁我地就夾佢去玩直尾有小灣的滑梯。

我見娣婦係上面接應都好辛苦，所以係筒形滑梯我係上面接應阿B，睇下佢幾曳成日滑滑下就擰轉身。

阿B之前食緊奶玩左一陣再餵和換片，衰仔唔肯食，我地話唔食就回家都係唔食，於是肥仔就抱住阿B打道回府。

回到家立即趴係張墊唔郁，佢見我拎部相機影佢先起身咋！所以影唔到。夜晚係屋企食飯我地預備左隻雞脾比佢自己拎嚟食，不過佢似磨牙多D。