兩公婆發牢騷

今朝回家見到〝烏燈黑火〞心想阿B應該未醒，我如常行入屋卸低行裝，但點解踩到D野既，向下一望原來係阿B訓左係到，好在我只係從佢D腳趾表面滑過，佢又冇反應仍然訓緊。

我新年前執完屋到新年後間屋又係亂七八糟~真係忍唔住要執，趁舅母係到可以幫我睇住阿B先，其實，今次最主要係執阿媽既野，因為阿媽既〝月結單〞、相、信‧‧‧左攝右攝，比左D野佢又唔知擺左係邊。不過，仲未執完明天再繼續，我要係星期五、六前執完，因為表姐要回鄉飲宴，但佢兩個小朋友唔返細舅母要過去照顧兩個小朋友。

今日老公公司有客到，但佢阿頭放假就由老公招呼喇！所以晏晝老公來電今晚要與客吃飯，所以不能來吃飯。夜晚我煮左〝卥水雞翼〞和有火腿叉燒豆角煎蛋。原本我諗住自己整卥水汁，但我又忙緊D野，阿媽又話去買卥水汁回來整，所以我就忘記左，不過，唔緊下次先。

老公吃完飯回家前問我吃唔吃野？我想食雪糕，但唔知食咩雪糕好，〝麥麥〞新地又貴，但7-11又唔知有咩雪糕，最後都係選擇〝麥麥〞不用煩。老公到達〝麥麥〞後話唔買〝麥麥〞喇！好多人差不多排到出門口，咁多人攪咩丫？

老公轉投〝7-11〞又問我食咩？我都唔知，老公你會唔會食架？都會既，老公見到〝雀巢甜筒〞11蚊2支就呢隻喇！老公話有芒果、士多啤梨、雲利拿、朱古力要邊隻味？老公要〝芒果味〞，而我首選梗係〝士多啤梨味〞喇！如果冇我就會簡〝芒果味〞。

食雪糕前我叫老公去洗白白先，之後都未食，因為老公講回今日公司運作、客的情況我知，然後就開始發牢騷，因為發生左D事攪到老公彈下彈下，係佢同事身上又發生另一件彈下彈下事。

老公話〝邵逸夫〞入左醫院，我問點解？佢話唔知，今日只看過頭版一眼咋！佢平時會係食早餐時睇下報紙。跟住我又講左平時激到我彈下彈下事，仲越講越多添！老公就邊睇報紙邊聽，我都講左好多唔想阻住佢睇報紙，所以我講講下都話〝唔講喇！唔阻你睇報紙，不過一陣你提我仲有野同你講。〞，跟住食甜筒，之後都冇講老公好快訓左。

老公唔吃花生我就幫佢食，而佢又想食我支甜筒白色尖尖部份，所以影相時2支甜筒都係食過架！我見〝士多啤梨味〞咁靚咪影多張~哈~哈~！