有着數~

今日係最後一日交居屋申請表，所以我要帶肥仔去〝樂富~房署〞親身遞。

之前肥仔話若然阿B訓左係我地出門口都未醒就唔帶佢去，
阿B係晏晝一點訓左，中途有醒過我拍返佢訓。肥仔2點幾回來後又叫過佢都唔醒，到2點45分我預備好一切差不多出門我再叫佢一次都唔醒，
後來舅母拎左佢奶嘴就半醒和喊，然後我話〝你唔起身我就去街街喇！〞，
佢係到喊我知佢醒就走去抱起佢，然後著好衫就出發。

阿B呢排唔舒服少落街，所以落到街又要抱~肥仔抱。我地去到巴士站阿B落地，
佢好專心睇車，落車唔肯行我抱，肥仔幫我拎手袋，後來拎糖引佢先肯行。

我地離開房署後阿B又要抱，肥仔話早知唔帶佢出嚟！
仲同阿B講〝你唔行就唔帶你出街〞，阿B都冇理過佢，到達商場又用糖引佢行。

行行下又要抱，去到天橋肥仔話〝你自己行到另一邊就請你食糖〞，
跟住阿B就一支箭跑，跑跑下見到又櫈要坐低，因為平時落街我同佢係坐低食餅，
食完再行〝循環不熄〞。

晚餐我決定去肥阿哥家食，我地落車後就行去肥阿哥到，
睇下衰仔唔行扭計喊又被肥仔打。

去到肥阿哥家樓下還未喊完，護衛員和住客見到都笑佢~幾醜怪。

肥阿哥話這個盒〝多舊魚〞，阿嫂同我地看法一樣唔駛整到成身都係，
雖然，係好似浪費唔駛專登買一個咁既盒，但當有時發生時，
你就會諗有個咁既盒就好喇！我話抵日本人搵我地錢~阿嫂都同意。

食完野我洗碗，阿B玩得好開心，所以叫老公幫我影相。

後補 (13 March 2008)

阿B係房署4點幾時食完6安奶，係肥阿哥家見到我拎奶樽去洗又要食奶，所以我地6點幾叫〝麥麥〞時叫多一個開心樂園餐比阿B，佢食左半個芝士漢堡、1/3-1/2杯粟米、約半包Qoo荳奶，跟住8點幾又食左大半碗仔烏冬~短時間內食左好多野。

食〝麥麥〞時我地都叫左半個鐘阿B講〝謝謝〞都唔肯講，之後開心樂園餐有公仔送，我叫佢講〝謝謝〞先比，都叫左佢幾次架！肥仔都聽到，但肥阿哥聽唔到，肥仔用野食引阿B都唔講，始終肥阿哥都係冇緣聽。