〝三八婦女節〞又如何！

尋晚老公話須要拖地、掃地，我話明天我會做，在臨訓前聽收音機明天係〝三八婦女節〞即刻同老公講。

老公：咁又點丫！

我：咁我明天唔拖地、掃地囉！

老公：好丫！咁星期日做喇！

哎呀！衰老嚟架~激死我，都唔錫我既〝婦女節〞都要我做家務，不過，係唔係我都會做既，但佢話唔駛我做個心會〝sweet sweet〞

D架嘛！之前〝事必關已〞李成責話腳大既人係勞碌命，真係冇講錯架！氹都唔氹下我~衰老。

今日我諗住去肥阿哥家玩，尋日問左唔得，因為會有好多同事去佢家BBQ，叫我地星期日先去佢家，但到我有約呢。

我邊做家務邊執2部電腦，但老公部機掃到有2個毒已隔離，我都唔明老公每日只去2個網睇野都中，老公話Windows冇update係咁架喇！而家這資訊年代真係有好有唔好。

我知其實一上網就會有機會中毒，有時用你用緊的掃毒軟件都未必會掃到，可能軟件冇update或軟件不夠勁，我部機Windows係正版和掃毒軟件都係正版有update，所以冇事。家務做好、電腦病毒已刪除就開始寫回昨日的Blog。

晚餐大家都唔知食乜好，阿B又係屋企，所以回家吃飯，阿媽叫我地買醺蹄和叉燒回去。