開心幸運~鬆兩鬆

9 March 2008

今日去左鬆一Zone按摩專門店按摩~好滿意、Green Box~唱幸運。

起初都唔知按摩後去邊好？尋日晏晝熊貓姐姐話高達叔叔提意去K Buffet或行山，佢新發現佢家附近有條行山徑，但按完都晏喇！點行丫~我決定選K Buffet。

原先係我、熊貓姐姐、高達叔叔去按摩，我地預約前還未通知開心果姐姐，因為她家中有事都諗佢唔去。尋日熊貓姐姐預約時mark回上次的按摩師，但只是得我的按摩師今日上班。晚上熊貓姐姐話開心果姐姐都去按摩，但晚飯未知。

我地除開心果姐姐外，全都約左係〝旺角~新之城〞外等，然後一齊吃野才去，選擇左一間之前我與老公吃過2次晚飯的地方。

這裡的蒜容包是用蒸籠盛載幾得意，全部人都係飲〝羅宋湯〞。

熊貓姐姐杯〝凍檸茶〞幾混濁，不過飲落沒有問題的。

我、熊貓姐姐食A餐〝牛仔骨香辣汁〞配飯，而高達叔叔都A餐配意粉。熊貓姐姐話牛仔骨唔錯冇〝嗱〞過，佢寧願靭靭。

老公吃B餐〝咖哩汁配泰式蝦餅〞配飯，這個蝦餅是用原隻蝦，味道OK。

我地在用膳時討論緊去邊間唱好呢？後來熊貓姐姐話如果開心果姐姐都吃晚飯就可以去佢家打麻辣邊爐，所以就叫開心果姐姐拎定麻辣湯包，但佢問左家人可以與我地一起吃晚飯。

我地約3點按摩，吃完午餐都係約2點，老公和高達叔叔就去睇玩具，而我就陪熊貓姐姐去買碎子包，我地去到巴士站好快便有車。

我地就去左對面的〝Little Gym〞睇小朋友玩，見到有個肥仔好得意架！行路時肚腩仔和兩個包仔都〝振振下〞好攪笑。等到開心果姐姐到達後2點45分，但睇下可唔可以早D做，還未有位可以再去睇小朋友，睇左一陣就call有位。

今次各人都好滿意各自的按摩師，但高達叔叔的按摩師係Part-time唔夠人才上班，職員話好野難求下次約時間問下會否上班，若然否都會介紹一個好D比佢。熊貓姐姐鬆過上次好多，我簡直能〝枱頭見青天〞。

頭先按摩時老公對開心果姐姐說：「如果你唔食晚飯，我地就去唱K。」，開心果姐姐聽到十分雀躍，還放棄麻辣邊爐去唱K，將個湯包放在熊貓姐姐家中。之後行左一陣又去左食Tea就向〝淘大~Green Box〞出發，但我左邊又開始痛，我地行經一條隧道有隻人扮好高既公仔，我和熊貓姐姐都分別都與他合照。

我地6點幾到達〝淘大〞時間尚早就行下街，我要去書局買野，所以女的去書局、男的睇玩具，但想買既野冇就比我見到本書仔質地適合小朋友，只不過係$9.9就買左比阿B。

老公來書局搵我，因佢睇到有架上次我忘記左買的車仔。

雖然，這間〝Green-Box~K Buffet〞野唔好食、價錢與其他差不多，但我地仍然選擇既原因只有一個~呢到唔會趕你走，我地7點幾入房可以唱到零晨3點45分。

房間幾〝金壁輝煌〞，但D咪套顏色就〝肉酸〞左好多。唔知係咪坐姿唔好又開始望不到青天。

突然，有職員話出面有遊戲玩，然後聽到喧嘩聲，熊貓姐姐與開心果姐姐出左去玩，佢地拎左隻〝農夫〞親筆簽名CD回來係頭先玩遊戲每間房輸左都送一隻，還說頭先喧嘩聲係有拍中左〝12分91秒〞的奧運記錄贏左一張〝全單7折〞的coupon，不過下之先用得。

開心果姐姐要走先，熊貓姐姐與我和高達叔叔又出去玩過，高達叔叔玩左一次唔得就再玩多次，在剎那間熊貓姐姐行左去高達叔叔就按中左喇！得我一個見証這個歷史時刻，但要影相跟住就叫埋老公一齊影。埋單時還送左2張即擦即中卡~送啤酒3支和避風糖小食2碟。