阿B剋星

晨咁早阿B就擺左呢個pose好耐，佢一見到我影相就即刻放低隻腳。

睇下佢打晒〝呵欠〞都唔肯訓。

我諗應該係時候啟發阿B個腦，所以拎個晝版比佢玩。
佢見到已急不及代要玩，而家大個左比之前細個時玩得好D。

我與阿B玩玩下突然記起有隻〝鱷魚〞就係玩具箱尋覓，
阿B一見到就眨晒眼，避開隻鱷魚又運路走，總之就好驚佢，
但鱷魚合埋口佢就會玩，所以我一見佢曳就拎出嚟嚇佢。

晏晝4點幾阿媽買餸問我食唔食野？我食，但買多一串燒賣比阿B。
阿媽唔係〝吉〞阿B，係阿B大貪一啖想成粒食晒，
咬甩左阿媽用支籤〝吉〞番粒燒賣。

大家可能發覺阿B個頭好似瘀左，佢眼訓唔訓走去玩撞左落張餐枱到，
之前用軟功唔得就用硬功全程用左2個幾鐘先訓。

前日晏晝發現阿B係2隻牙縫內有頭先食飯時的菜渣，我整左少少，但仲有好多，
等到娣婦回來時就匯報，佢地整唔到阿B有D發老脾，我話由佢喇！
一陣吃飯可能會隨其他食物一齊出來，娣婦話買牙刷比阿B，吃完飯就真係冇左。

今日娣婦買左1set3支牙刷分3個階段用，但佢玩左一陣就冇興趣，
對個水杯有興趣D。

肥仔放工回來想阿B表演講〝謝謝〞比娣婦聽，所以拎左鈣糖引佢~唔肯，
然後我地每人都表演講〝謝謝〞都有得食，佢見到都係唔肯講，
但你睇佢個樣〝口水流流〞好想食~硬頸。

夜晚時阿B連〝鱷魚〞合埋口都驚。
以前每有人走阿B都要出去電梯口陪等，但佢已經好耐都冇咁做。
今晚我與老公走既時候阿B走過嚟，然後拎住自己隻鞋，我見佢自己拎鞋就問阿B~
出去等電梯好唔好丫？擰頭。
我再問去街街好唔好丫？點頭。
我與老公就帶阿B落街行左一陣就帶佢回去，因為要趕回去睇電視，
不過，咁樣睇阿B好似又大個左。