發燒‧精神

尋晚阿媽已通知我阿B發燒叫我不用買麵包比佢和唔煲粥轉煮通粉。

今日買左〝麥麥〞早餐，阿B望左我一眼之後就目不轉睛望住我袋〝麥麥〞行過嚟！這包烘焗過既腰果係尋日高達叔叔買，但冇人吃我就拎回去比阿公和阿婆食，
衰豬見到就張大個口，仲想開添丫！

我發現左有2件新玩具，這架古董車係肥阿哥比阿B玩，
不過有好多塵，但而家乾淨到反光喇！

〝Woo Woo~Chip Chip~〞這架火車係老豆買架！
集電話、音樂、自動行、辨別形狀於一身。

後來我又發現多架新車，不過係收埋架喎！邊個買既呢？原來又係老豆買既。
阿媽話這車幾好自動行又有音樂，行駛時仲會自動打車兩邊車門，
但可惜開車時阿B驚。

今日阿B好叻仔丫！佢自己食左成碗通粉+碎瘦肉，我冇比湯佢，
因為剛煮滾怕佢燙親。成碗梗係唔係這個碗喇！係〝米奇〞碗=大人食飯碗一碗架！不過，6點幾食第2餐時就曳，我煮緊餸問回佢地話食左半碗至大半碗。

喂！你打電話比邊個丫？

阿B成日著我地D拖鞋週圍行，今日就著左阿公隻，睇下幾大對比！

原本諗住6點錄多次阿B唱國歌既短片比老公佢地睇，
不過，阿B食第一啖退燒藥時就嘔，所以立即去洗白白，咁就錯過左，
唔緊要肥仔立即去〝YouTube〞搵比阿B睇，阿B又唱又跳~不知幾愛國。