Bomb~

剛才係6、7點時發生左一件〝Bomb~Bomb~〞事，聽者、見者都覺得痛，但反而當時人唔覺痛。

阿公係床訓緊，阿B玩玩下又走左去阿公床，我隨後就見到佢背向坐左係阿公個肚上，大家都玩得好開心。

阿B係休息時候突然身體向後傾，然後跌落阿公到，隨即聽到好大聲〝Bomb~〞又見到佢地果下撞擊好似地震咁，我立即抱起阿B，不出3秒阿B就喊喇

！又摸住自己個頭仔。之後我就問阿公有冇事佢話冇事？又問撞到邊到？阿公話撞到D牙唔痛。

我就抱左阿B去廳果邊，我就話比佢地知，阿媽問阿B有冇事？佢冇事，但我怕阿公有事，因為撞到D牙好痛架嘛！更何況阿公D牙已經係鑲，再整爛你話點算呢？

我又再去睇下阿公，見到個嘴腫左和好似有D牙流血，立即叫阿公起身去漱口，我想去睇下阿公，但阿B係都要黏住我，後來問番阿公有冇血、痛唔痛？佢話冇血又唔痛，咁唔知係咪阿公D假牙反光我睇錯左呢？但我都係有D擔心囉！

事發後我見到阿B個樣唔開心

好似有D想喊咁

，我就籍著呢個機會就同佢講解下。阿公漱完口出嚟笑騎騎同阿B講野，阿B見到阿公笑佢又笑，我諗佢好快就唔記得架喇！

今朝我訓係張地墊上時，阿B又係坐上我到，不過就面向我，但係佢又突然一個腳跟〝錐〞落我個〝人中〞到，我即時反應擋一擋就唔係好痛，但阿公咁都話唔痛都唔知係咪真既，我見到佢都痛、阿媽聽到都覺痛。