〝等〞到何時？

今日真係又渴、熱、餓。

今朝去左好耐都冇幫襯既舖頭買早餐，這隻〝糯米雞〞貴左1蚊，它的份量得我半隻手掌，不過，好食左~唔知係咪太耐冇食，但每次食完全日都會好口渴，要到訓醒才回復正常~可能味精勁得滯。

肥仔要去交〝居屋申請表〞唔識去我就帶路，我可以順手問埋派屋進度如何喇！

入去房署交表前我好口渴想去買野飲，不過肥仔話攪掂D野先~好快啫，遞表眨下眼就攪掂，然後上去公屋到拎籌問野，阿B有D扭計我睇下錶原來4點幾要食奶，我餵緊奶時，肥仔要去食煙，但我叫佢快D就到我。

阿B食完奶收拾奶樽時就叫我個號碼，我舉左幾次手示意係到，我執極都執唔到就索性袋都唔拉夾住阿B去，當時非常〝呢har〞。我去到職員問我咩事？佢指住詢問緊既人，我話頭先舉左手架喇！唯有再等下個，我同肥仔講過左我，佢問我點解？我等左大半個鐘就接見算快，我比左身分證職員核對資料又問我有咩問題，咁我就問左幾個問題。

我：幾時派屋？、等左3年幾時會派屋？、申請人唔除戶籍要扣30分，咁我唔係又會唔會扣分？

房署職員：唔知要等幾耐，你轉左市區屬水尾，係會耐D。扣分制係屬單身申請。

總括答案得一個字

，仲要唔知等到幾時。我地原本係申請〝擴展區〞，前年可以轉為市區，因為老公市區返工方便，加上擴展區頭一次通常都係派〝東涌〞、〝屯門〞、〝天水圍〞，第二次都係唔理想，咁樣夾埋第三次派位時間都好耐，咁等法改為〝市區〞時間都可能差不多，我有乜所謂老公話轉咪轉囉！

※樂富商場的復活節怖置~

我肚餓想去食野，肥仔話返去〝葵芳〞吃，我地行回去搭車都要15-25分鐘，天氣熱肥仔又覺得路程遠想搭〝的士〞問我要幾多錢？我話好貴，行都唔係好遠啫，我地又繼續踏上征途。

嘩！真係熱到嘔茄，早上與晏晝的溫差相差咁遠，肥仔醒目著短袖T-Shirt，可能抱住阿B熱上加熱，熱到我流晒汗外套都冇著連衫袖都摺起晒，肥仔有時引阿B自己行我就可以鬆下。

我一直諗住晚上回家吃，因為娣婦約左人吃飯，但肥仔答阿婆未知。回程車途中既然肥仔想出去食就叫佢打比肥阿哥今晚去佢家吃，因為阿B短片已塞爆我張2G記憶卡係時候比肥阿哥喇！

肥仔又冇係〝葵芳〞話回到家樓下的茶餐廳買外賣，家樓下有2間都係同一個老闆，當時已5點45分去到一間過了茶餐冇得吃，諗住去另一間相熟D可能有點知冇開，我真係好肚餓頂唔住一陣叫〝麥麥〞吃。

上到去我第一時間去飲汽水~真係渴得要命，之後叫左3個餐、一個開心樂園餐再加4件雞翼比阿嫂。肥阿哥唔想食烏冬，問佢外賣食咩？佢就選食烏冬，烏冬阿B又可以食，同埋我心諗烏冬平過叫外賣好多嘛！我就打比阿嫂睇下佢可唔可以買，我唔記得講比阿嫂知娣婦約左人，所以買左瘦肥牛，唔知係咪瘦得滯阿B唔吃。

阿嫂回來一陣老公就到，所以雞翼又做埋餸。