短暫舒緩

今朝到現在整條頸和肩都〝嗱〞住痛。

尋日去左按摩〝鬆一鬆〞，今次按摩師說我的肩頸仍很硬情況都頗嚴重，我D肌肉好實應該唔會咁，就呢D情況我問〝點解會咁？、係咪要睇中醫？〞，因經胳已塞要去做針灸，吓！我好怕打針，唔好喇掛。我見佢咁講就問〝幫我按係咪好攰？比起幫男仕按還要辛苦？〞，佢都直言真係好攰和更加辛苦。

其實，我不單有肩頸痛的問題，還有我的頭只能微微仰後，因為每次稍微再向後D我右邊的肩、雞翼位和上手臂都會痛，繼而右手手臂就開始麻痺，我諗係壓住神經線，所以我絕少仰頭就算有都係就住。

按摩師傅話我的頸椎歪左，神經線有D問題，不要吃太多止痛藥，因為吃得多會唔識痛，還有頭不要常常向前傾盡量靠倚櫈背，這個問題在幾年前開始，起初我只要成個人企直都可以仰後，但由上年開始這方法都冇用，我只對老公講過，並沒有對家人講過，但今趟整完我終於可以〝仰頭望青天〞。

我這痛楚已跟隨多年心知是不能在〝一時三刻〞醫好，雖然，係唱K時又回復痛楚，但已給了我一段舒緩、舒適的時光已足夠，其待日後能痊癒。