三失~U_U

我今日三失：失敗、失望、失信心，而家個人down down地，我要檢討一下先。

點解失敗左就會咁唔開心？因為之前因為自己的〝運吉〞失去左一次機會，
之後有機會試，我由期代、滿心歡喜、一切順利、排除萬難中跌入谷中，
我諗暫時唔開焗爐住，等自己有返信心先。

尋日知道今日放假可以一嘗心願整星期一整唔到既〝芝士火腿卷包〞，
於是食完飯就與老公一齊去買高筋麵粉。這個〝芝士火腿卷包〞我係冇食譜，
只是用其他麵包食譜去演變出嚟的，但結果‧‧‧。

今日起身雖然一邊頸梗左，但我仍然滿懷歡喜去整麵包，今次都係用電動打蛋器搓，嘩！搓得唔錯，開心到飛起，睇下薄膜幾薄。

一切都好順利，只是係卷包時有些問題，因為這次係我第一次做卷包，
但我都解決左。我都知道焗時芝士會溶，所以我都舖左錫紙先焗。
所有問題和疑難都一一攪掂，焗既時候包香、芝士又香，心諗應該會成功，
但焗完只是表面硬，又冇色又未熟。

其實，我知道係失敗左，但我都冇放棄到，我用盡方法去挽救，
焗左好耐佢都冇燶。我希望會有奇蹟出現，最終結果我已一早知。

切開睇係表面熟左少少，其他都未熟。