小朋友不可騙~

頭先同阿B排排坐食〝開心果〞，叫阿公食佢就話一陣先，所以我就留返D比佢。
到阿公食時睇下阿B做咩？其實，佢搵左好耐先搵到個開口，
然後放隻手指仔入去預備拎出嚟！

正當佢努力之際被阿爺發現〝哦~你偷食！〞，阿B立即定形面上一D表情都冇，
個嘴少少扁，隻眼就定定望住老豆郁都唔郁，之後見到阿公飲水先有D笑容。

我一向都話〝小朋友唔可以欺騙〞應承左佢既野一定要做，小朋友一定會記得你應承左佢既野，如果你唔做就會唔好架喇！

前日我應承左阿B尋日整啫喱比佢食，但冇時間，所以就今日整。
不過，都係阿B提我架！佢拎住盒野我先記得，我整緊時佢已急不及代要食。

上午整完啫喱諗住夜晚先比佢食，但想佢學乖乖坐，所以晏晝就比左佢食。
初時食可能凍都吐返出嚟！之後都就全部食晒落肚，咁我緊係唔係成杯比晒佢食，
我食左大半杯，其他就係阿B食晒。