攰、熱

今日係屋企樓下入電梯時阿媽來電，好在電梯內收到電話。

阿媽：話肥仔和娣婦都放假。

我：吓！冇通知我既。(咁我可以唔上去)

阿媽：阿B要睇醫生，可能佢地要你一齊去。

唔駛可能一定係喇！阿B睇醫生和公園情況請到：確診~玫瑰疹

阿B睇完醫生後去〝日之食堂〞食lunch，我order左牛肉飯送麵豉湯、娣婦~滑蛋雞扒飯、肥仔壽司餐，佢地+娥飲汽水，所以冇麵豉湯。但肥仔個壽司餐份量咁少，佢話晏D去食tea喎！

今日好忙除帶阿B睇醫生外，還要去〝千色店〞、〝南豐〞、〝吉之島〞。

〝千色店〞~娣婦送生日禮身比肥仔，佢去〝Bahaus〞買銀包。
我抱阿B週圍行，等到佢地買完，我將阿B交比肥仔抱到我出晒汗~真係好熱。肥仔都好熱抱抱下交左比娣婦，但我見娣婦都抱得好辛苦下，因為佢隻手抱唔到，但我熱到頂唔住我話到有冷氣地方我先抱。

〝南豐〞~上樓肥仔要配眼鏡，我順便拎副眼鏡去整，雖然唔係在這裡配都可以幫我修理架嘛！
一入阿B要出去可能這裡焗，於是娣婦就帶阿B出去行一陣回來，我抱住阿B去整眼鏡先乖D咋！我見肥仔未得就抱阿B去〝橘子〞買菜油，諗住有時間就整〝雞批〞。回來時已驗眼中，好熱行去風扇前阿B僕在肩上好乖我拍下、輕搖，阿B聽到肥仔驗完眼出嚟話〝攪掂〞立即起身望住肥仔，我見佢隻眼已訓左一半，肥仔話留多一陣等佢訓先，但娣婦聽唔到去左開門走人。

〝吉之島〞~我要買交剪比阿婆和好耐之前同肥仔講過見到有個裝紙包飲品盒，小朋友用左咁就唔會一身都係喇！但老公覺得唔等駛唔比買，今次肥仔話順便買埋。
我地租唔到BB車，因為等到人還車我地都可能走左。去到〝十蚊店〞出面開奶比阿B食，然後我與肥仔〝喳喳淋〞去買完回家等阿B訓覺。我地分頭行事，見到肥仔2次都同我講搵唔，我就去問，店員邊行邊話BB用品全部係那裡，因為剛執場可能未返貨。佢地左望右望都唔見，但我一眼就見到~女性係細心眼利D既，得返一個肥仔都要。

我除左買左交剪仲有買左個小型磨，後來娣婦入來行左一陣佢地出去繼續餵奶，我就排隊比錢。我見到阿B吃緊都唔行埋去，肥仔話佢氹左好耐話食完奶去公園玩先吃，但阿B一聽到娣婦同我講野就唔食。之後去左公園玩完都唔食，我地就硬起心腸唔食就回家。

阿媽收6點早上交低細舅母整〝沙薑雞〞，我返到去細舅母就問我識唔識整〝沙薑雞〞？你阿媽話要用晒成樽〝沙薑醬〞又唔駛落鹽喎！吓！成樽，我未整過等我去睇下先。樽醬係〝李錦記〞試過冇乜鹹味，所以我用左D鹽醃左隻雞一陣，然後阿婆拎去蒸。

吃飯時阿媽話同事唔駛用鹽醃都夠鹹好好味，但我用左鹽醃濃味人淡少少，淡味人剛好，我煮埋2碟餸就可以開飯。

食完飯飲2碗阿婆靚湯~飽飽喇！原本想吃個橙，但要趕回去睇〝最美麗的第7天〞，這套係改篇自一本書架！