打唔開既~

今期阿B好牙癢，上星期開始有咬下我，今日仲咬我大腿和膝蓋，
娣婦都有咬佢，阿B牙仔好似差唔多出晒喇！
阿B應該要開始戒奶咀和片，但未識講野戒比較難D，因為未識表達。
之前天氣熱都逐步開始戒片，但好快天氣轉凍戒片又怕冷到佢，
都唔知幾時可以實行呢？

從小阿B奶嘴係一對買的，咁就可以一個食住訓，
而另一個係預備半夜佢甩左奶嘴又搵唔到就作後備的。
點解會有3個？因為之前爛左一隻，要買新加埋舊一隻咪有3隻囉！

今早娣婦同我講阿B六點半可能〝流殊殊〞醒左，跟住換左片和食左奶。
娣婦話比我知頭先阿B點叫佢起身，我聽左之後都覺得攪笑。

阿B食住一個奶嘴，然後手執另一個奶嘴敲落娣婦到叫佢起身，
娣婦話阿B都敲左3、4下。

我見上次阿B玩肥阿哥個高達模型盒玩得好開心，
所以我又拎左高達叔叔個模型盒比佢玩。佢想開又開唔到，咁就用手拍，
但一拍就彈左落塊面到，然後又踩下佢，都開唔到就放棄。

跟住我打開左個盒佢就立即過嚟！其實，我都唔知佢想做咩？
佢擺左個盒係櫈到，擺完又發脾氣喎！

正因為佢發脾氣自己咬落個盒到唔小心咬埋自己個嘴唇，我諗當時一定好痛，
因為佢起初係喊到冇聲嚇死我唔知整到邊到，我即刻望下D牙仔冇事，
再望落D先見到個嘴唇流血。