老公唔溫書~

原本今日唔寫Blog，但與老公對話完就想寫一寫，因為老公有時間都會睇我個Blog架！

頭先返到老公屋企樓下就同老公講：「今晚可以早D訓

，因為我冇野寫唔駛寫Blog，不過，你又要睇新聞又要買波都係要夜訓。」，但居然老公話唔駛買波，唔駛咁好

？不過，唔買仲好早D訓。每次老公買波都要溫書

，佢要睇報紙又要睇住電腦買架！在我好奇心驅使下問明原因

。

老公：成日都斷一場好似尋日咁又淨斷〝巴塞〞。

我：但你以前斷一、兩場都有錢收架喎！

老公：以前買得貴五十蚊一場，而家買二十蚊場。

我：唓~你差唔多日日都同我講尋日又斷左一場、尋日又斷左二場，咁你買五十蚊場斷左都有錢贏喇！可能唔多都係贏丫~起碼都可以回本，咁簡單既數都唔識計(呢句係我心諗冇講)。

老公咁你明唔明我想講咩丫？

今日不單肩頸連頭和腰都開始痛

，係等電梯時同老公講應該就快會落雨，而家都唔算好老啫！遲D咁會點呢？老公我會好快變老太婆架喇！到時唔好蝦我丫~