超級〝薯王〞

之前老公下載左2套我喜愛的電影〝嗚門〞劇場版和〝史提芬京~霧地異煞〞。尋晚就睇〝嗚門〞先睇到零晨4點幾先訓。

今朝8點幾又比老公逼醒左，可能連續3日唔夠訓，所以發生左好多〝烏龍〞野！成為『超級〝薯王〞』。平時老公都會叫我做〝薯王〞，〝薯〞唔係薯仔個薯，而係番薯個〝薯〞，即係話我〝笨手笨腳〞成日都整到，我緊係唔認喇！不過，今日唔到我唔認，一切就由整〝雞批〞開始。

我用手拎埋未倒出既磨菇，但唔小心被個罐介到流血，血抺完又流抺完又流，隻手指仲有D麻痺，夜晚撕開膠布傷口都有約半寸長。到搓皮時才發現〝白菜油〞唔夠又要將份量減半。

每個雞批面我都晝左不同圖案，然後拎去焗喇！跟住又唔知做咩，明明焗緊野焗爐熱架嘛！自己又會〝枕〞隻手係焗爐上面燙到隻手紅左有少少腫，撩過手表面都有D痛。

點解焗完都冇色既呢？才記起批面未掃蛋汁丫~睇下掃左蛋汁後再去焗真係差好遠，可能因為咁老公食到個皮似酥皮和焗晒D油出嚟！但係我晝既野就睇唔到。

上次肥阿哥叫我copy返D野比佢，但我唔記得左要明晚先拎比佢，後來回到老公家在其中一張記憶卡內發現原來我係有copy到架，不過，係我自己以為冇咋！