〝大爺〞醫生話架~

阿B未退燒，所以等娣婦放工後係醫生到等。

阿B〝莎利蛋糕〞好唔好食呢？

我地等醫生期間阿B係商場內週圍走被醫生去厠所經過見到話佢走得好快，
醫生話阿B係喉嚨發炎引起發燒，除此之外口腔都有些紅腫，
可能係佢出牙仔咬野時弄傷左，跟住我同就醫生講有一次同佢玩完之後佢食手，
跟住就見到佢D牙有血，但佢冇喊仲繼續笑玩添！

臨走時醫生問〝阿B食唔食餅？〞，我地話佢緊係食喇！醫生拎餅比佢，
我就叫佢向醫生請請，當時阿B係好〝啤〞咁坐係娣婦到冇請請就拎餅食，
醫生即時話〝你都好似大爺喎！〞。

晚餐去左〝別府駅前料理〞，
我地一坐低就比左小朋友用既碗和匙羹阿B~真係好服務喇！

初時都幾好既，但坐多幾分鐘就扭計，可能眼訓和肚餓，
因為今日得一餐粥和飯都係食左少少，奶開得7安又開稀左，食左少少蛋糕。
雖然，平時粥和飯都食得不多，但都有2餐架嘛！

我和娣婦肚餓在等醫生期間去左買小食，
有阿B又唔方便食所以我提意坐係商場樓梯吃，
我地坐低一陣就有3個〝年青女子〞坐係我地前幾級，衰仔成日向前昅。

阿B坐多一陣又要起身走，我就係個袋不停搵野比佢玩，
有時阿B又專登令到D野發出聲音，跟住自己笑又向前昅下D女仔有冇望佢喎！
然後，後面一有聲佢就立即轉身想撩人玩。