不安的天氣

熊貓姐姐的貓~阿仔尋日已離開了，她send左個短信比我地，由於我係屋企會飛線回家唔開手提，所以唔知道，剛才開心果姐姐8點幾來電我才知道。我11點幾打過比熊貓姐姐響左幾下就掛線，我怕佢訓左嘈醒佢，明天才慰問她。

從開心果姐姐口中得知，尋日姑娘話阿仔〝唔得喇〞，佢地亦都同意阿仔〝安樂死〞，熊貓姐姐提早放工帶埋阿囡一齊去睇阿仔，阿仔報以〝唔~唔~唔~〞的聲音，之後她的男友亦趕到醫院阿仔報以〝喵~喵~喵~〞的聲音，熊貓姐姐話激死佢。在佢地陪同下阿仔好安詳的離去，打針時佢地都傷心不矣。

阿仔係一隻男性純種〝波斯貓〞都養左至少十年，佢與阿囡都育有子女，不過送晒比人。

上星期我執過屋，今日返到見到都係亂左少少無想像中咁亂，我都已經執回齊整。

明天、後天阿媽放假，咁即係我都可以‧‧‧，不過，後天阿媽要去覆診，所以我只係明天放假。

現時呢個天氣真係唔多鍾意，往往令人週身骨痛、病、心情變差、疲倦‧‧‧。

上星期阿婆已病緊睇過西醫，今日返到去阿婆轉左睇中醫煲藥，中醫話佢感冒，點解唔睇另一個西醫，阿婆話西藥濕熱喎！平時叫佢訓晏晝覺多D休息又唔肯，而家病左都唔肯~真係冇符。

娣婦比左D佢二家姐去泰國旅行既手信我試，塊豬肉乾係辣架味道都幾好，不過，表面就凝固左一層豬油。包粉絲麵娣婦好鍾意食架，我都想快D試下。

老公話今早4點幾肚痛解決完，到差不多訓著就比我批跟佢又醒左當時係5點幾，所以而家好眼睏，然後又話週身骨痛，Me 2~我諗今晚要貼膏布訓，而家咁既天氣都預左，問佢要唔要按幾下？又係唔駛。頭先肥仔放工回來我都幫佢按左幾下都唔夠喉，冇計我要睇住阿B。

佢衫未換、涼都未沖就訓，仲叫我十點九叫佢起身，我好準時叫佢架！結果咪又係得個吉，不斷叫佢不停食吉，叫到我都訓左一陣，終於叫到12點3就起身，咁即係又要夜訓喇！