高達展‧冒險樂園

原定復活節假期與老爺去〝大嶼山〞睇大彿、食齋，但怕人多，所以改下個月去。

尋晚半夜我被老公批跟，今次係批我個嘴，我仲感覺到佢個手跟好溫暖添！應該係剛剛係被窩伸出嚟！我冇理佢閃過D繼續訓。

今朝老公又批跟我，這次仲惡毒批我隻眼，好在我係合埋眼啫！唔係就變〝獨眼龍〞喇！我立即張開眼望住佢仍然郁緊，但係佢就係訓緊既，唔係佢就知死！可能平時佢比我〝蝦〞得多，所以訓覺時下意式成日去攻擊我‧‧‧哈~哈~。

我望下個鐘7點幾，時間尚早就諗住訓多陣喇！〝典典下〞又訓唔著又諗一陣整下麵包、蛋糕，諗到成個人都醒晒，終於約半個鐘後就起身~真係被老公激死我。

早上十點幾肥仔來電問：「我去唔去〝新城市〞要買野比阿B和同阿B行街。」，我要等老公醒左先回覆，老公話我尋日按完而家好痛，我回覆唔去。

之後我就開始整〝牛油蛋糕〞，我整蛋糕途中高達叔叔來電，原本明天我地約左去〝荃灣廣場〞睇〝高達展〞，但佢今日會放早想去睇下有冇野影，若有明天就帶埋相機去影，冇就可以取消。

我地會合後就去茶餐廳食左野先，但佢地食晒我個〝炸雞脾薯條〞都未嚟！仕應話炸雞脾係要耐D，但都唔係咁耐架！追完一陣就有得食。

這次〝高達展〞係我睇左咁多次最〝削〞既一次，今次我望到已冇乜興趣睇，唯有求其咁講下喇！所以明天都唔會再去〝高達展〞。場地冇野圍住係可以從任何一方進入，在場內上空有2張好大的Banner作為宣傳。

我行到去就見到〝三國篇〞內的高達BB戰士。

係佢地身後就有4個飾櫃。

睇下Keroro軍曹丫！

行入D有2個場景。

又有2個圓形飾櫃。

隔離就有扭蛋機，係扭蛋機上面有一個大扭蛋裡面有好多扭蛋。

扭蛋機旁邊有一隻高達。

再行過D就到售賣高達地方。

而後面就放左2隻BB戰士和一隻高達，我諗這裡應該係正門。

再上3樓仲有2個場景，還有圍左一個地方有枱、櫈，我諗係比賽用的。

去到果到緊係唔少得去〝吉之島~十蚊店〞行下喇！不過，得我一個人去睇，佢地男人就去隔離睇電視、電腦‧‧‧咁囉！

我見到有〝味噌湯料〞緊係買左先喇！十蚊店既野唔係成日都有架嘛！有時整野用唔完既鮮奶要倒，因為我唔飲，老公有時忘記飲，所以買左個夾可以keep住佢。阿B晒呢款餅，所以幫阿B補貨。

之後我地去左對面〝灣景廣場〞既〝冒險樂園〞，因為高達叔叔想去用票換高達模型，但我過埋我D票比佢還欠二、三百票，所以就用錢去換弊玩，高達叔叔都比左D我地玩。這盒高達模型會暫存在我地家先，高達叔叔有時間就會來砌。

跟住我地就買小吃和試新麵做晚餐。〝辣白菜拉麵〞都係濃心與辛辣都同一公司，大家都有D擔心唔好吃，但原來都幾好味又有D酸酸地，咁下次又可以多一個選擇。

老公唔吃〝咖哩酥〞，所以買左2隻，這是購自〝Pie&Tat，除雞批外這個都不錯。

期間高達叔叔好努力將高達模型cut出分門別類，然後明天再來砌。