Windows Update真係咁重要？

前幾日知道阿媽呢幾日放假已諗好整麵包、蛋糕，我要重拾信心、再戰江湖，今日決定整〝全麥包〞，因為老公鍾意吃。

今朝7點幾叫老公起身時已覺週身骨酸痛~頸、肩頭位都腫左，之後再訓十點幾比〝One2Free〞短信嘈醒起身，早餐吃左個杯麵。老公電腦防毒軟件過期又要上網搵下，然後裝另一個，又攪下其他野。

我用新軟件掃到老公部機有一個病毒和幾個木馬程式，其實，我地都冇上咩特別網，我部機除波網外，兩部機上既網都一樣，但係我部機就冇事。

老公吃完lunch來電就話佢知電腦既事，佢話Windows 冇得Update係咁上下喇！因為之前老公係朋友個正版Windows 賬戶內買左一個分戶用，只要比3、4百就可以，但一個主賬戶只可以分2、3個分戶，所以一直都冇問題，直到好耐之前部機撞左野後要重灌，佢朋友話個account過左期，所以就要改用〝肥皂〞。老公提意買正版Windows XP，但要6、7百蚊咁貴，部機遲D都換架喇！而家買廠機仲好過砌，遲D等我搵野做換部新仲好喇！

之後我諗下又係喎！雖然，大家都係上同一樣網，但我部Notebook係正版Windows有得Update，所以冇事。平時見Windows Update都好似有update埋病毒、木馬、蠕蟲‧‧‧等物體。

這段過程歷時幾個鐘，期間我個肚由〝咕咕〞聲餓到冇聲，我都冇食野咩都唔埋想盡快攪掂全部野快D開工整〝全麥包〞。

我不喜歡這個包，因是鹹的，但老公話這款包係咁，雖然老公咁講，但佢都係唔鍾意這款包，因為太〝麥〞佢飲左半杯可樂來送這個包。今次都算半成功喇！都令我有返D信心。

原本尋日講好今日買〝燒味〞飯，但係老公開會遲左放工收左檔。老公提意食〝吉野家〞，但我決定食〝KFC〞，老公話佢自己睇下點先決定食乜，結果一齊食〝KFC〞，但你唔多舒服喎！老公話〝KFC〞排左20分鐘唔通再排多20分鐘去買〝吉野家〞呀！不過，我好擔心佢會病，因上次又係咁就病左。