真係抵錫

我一向都話比細路〝激死又笑死〞，頭先就發生左件事冧死人事件。

今日阿媽拎盤教水幫阿B洗白白，阿B一聽盤聲就走去厠所昅勒！然後自行除衫，
但阿媽都未得，所以被我地阻止左，跟住大家就各自做自己野。

突然，聽到好大聲有野跌落地，轉頭一望原來放係木櫈上的〝法拉利〞跌左落地，
點解會跌落地？就係因阿B用雙手拎起左張木櫈行左少少，佢想拎比阿媽。
又點解會拎比阿媽？阿媽話頭先阿B除衫時佢同阿B講〝未得丫！未拎櫈丫！〞，
點知阿B轉頭就走去拎櫈，但我地都聽唔到阿媽講。

每朝阿B都鍾意睇〝國際台〞的Baby TV，
今日唔記得咩事我睇睇下轉左去〝有線兒童台〞睇下有咩睇？
點知做緊〝邪流丸王子〞，我與娣婦都話〝唔好睇，好低能〞，
但阿B可能鍾意睇呢！

娣婦行過話阿B發〝悔氣〞背住電視自己係到玩〝臭屎被〞，
因頭先阿B要奶咀娣婦要佢講先比，當然阿B唔會講，咁娣婦當然又唔比喇！
佢就係到扭，結果又喊又不停咳，係呢個情況下大人就要屈服喇！
因為都咳得幾勁下！唔知係咪阿B既策略呢？

我一轉返去Baby TV佢就望返電視，經過幾次驗証，
阿B係有taste唔睇〝邪流丸王子〞。

阿B十點幾自己睇睇下〝Noddy〞訓左，佢一訓醒就自行企起身係到笑，
然後行出騎樓拎阿婆個盒比阿婆拎野比佢食。

食食下又自己好乖坐係廳與騎樓的梯級上。

晏晝食飯時阿B拎左對筷子當鼓棍，近排佢一拎住2支野就會好似打鼓咁架勒！
於是我就比個曲奇盒罐佢打。